Ẹ fi akoko awẹ Ramadan yii bẹbẹ fun isọkan orileede- Gẹnẹsis - BO SE RI

Breaking

Friday 24 March 2023

Ẹ fi akoko awẹ Ramadan yii bẹbẹ fun isọkan orileede- Gẹnẹsis



Wolii Isreal Ọladele Ogundipẹ, ti ijọ Genesis Globalti rọ awọn  musulumi lati lo awẹ Ramadan to n lọ lọwọ yii lati fi gbadura fun isọkan laarin awọn ọmọ orileede yii, ki wọn ma ṣe jẹ ki awọn naa lọ lasan.

Ojiṣẹ Ọlọrun rawọ ẹbẹ naa ninu atẹjade to fi sita, to fi ki awọn musulumi ku awẹ ọgbọn ọjọ ti wọn wa lẹnu ẹ bayii. Gẹgẹ bo ṣe wi, o ni awẹ ti wọn n gba naa ki i ṣe lati fi ebi pa inu tabi fi oungbẹ gbẹ ara wọn lasan, bi ko ṣe lati lo anfaani naa lati fi tọrọ fun idariji, ki wọn si sunmọ Ọlọrun.

O waa rọ awọn aṣiwaju ẹsin islam ati gbogbo musulumi lapapọ lati jẹ ki igbagbọ wọn rọ mọ oṣu mimọ ti wọn wa yii, ki wọn si gbadura fun ifẹ paapaa bi eto idibo gbogbogboo ṣe ṣẹṣẹ pari yii, lati jẹ ohun gbogbo wa ni isọkan lori bi idagbasoke yoo ṣe de ba orileede yii.

Bẹẹ lo gba wọn lamọran lati lo oṣu yọ ẹṣẹ yọ ẹṣẹ naa lati fi ifẹ han sawọn alabagbe wọn, ki wọn si nawọ aanu fawọn to ba ku diẹ kaato lawujọ.


No comments:

Post a Comment

Pages