Ile-ẹjọ da Amosu lare gẹgẹ bi alaga awọn oniroyin lawọn alatako ẹ ba bu sẹkun nita gbangba.

 

Idunnu lo subu layọ fẹgbẹ awọn oniroyin ipinlẹ Ogun, lọjọruu, Wẹsidee, nigba ti ile-ẹjọ kan to wa niluu Ibadan  da Ọgbẹni Samson Amosu lare gẹgẹ bi alaga fẹgbẹ awọn oniroyin nipinlẹ naa.

Bo tilẹ jẹ pe bawọn kan ṣe n dun nu bẹẹ lawọn alatako ọkunrin naa ti wọn fidi rẹmi ninu ẹjọ bọ sibi kan, ti wọn si n bara jẹ, beeyan ba si ti roju wọn yoo mọ pe ẹkun abẹnu ni wọn n sun

 

Ninu ẹjọ ọhun ti nọmba ẹ jẹ NICN/IB/85/2019,Adajọ  J D Peters ti fidi ẹ mulẹ pe ko si awtunwi asan kankan rara ibo to gbe Samson Amosu wọle atawọn yooku ẹ, Kunle Olayẹni, igbakeji alaga, Kunle Ewuoso,igbakeji ati Abiodun Taiwo, igbakeji alaga jẹ itẹwọgba labẹ ofin ti ẹgbẹ naa la kalẹ.

 

Adajọ naa tun ṣalaye pe bi wọn ṣe wọgi le ibo to waye lọjọ kọkandinlọgbọn, oṣu kẹta, ọdun yii, ko bofinmu rara ti ko si lẹsẹ nilẹ pẹlu.

 

Ẹbẹ meje tawọn olupẹjọ bẹbẹ fun ninu mẹjọ ni Adajọ naa gba wọle bẹẹ lo tun ni kawọn olujẹjọ san ẹgbẹrun lọna igba naira fun olupẹjọ.

 

Sọji Amosu atawọn eeyan ẹ mẹta lo gbe aarẹ ẹgbẹ naa Chris Isiguzo, akọwe ẹgbẹ, Shuaib Leman, atawọn mejila mii in lọ sile ẹjọ lori bi wọn ṣe fagile ibo ti wọn fi gbe wọn wọle.

 Titi di akoko yii si lawọn ọmọ ẹgbẹ awọn oniroyin fi n dupẹ lọwọ Ọlọrun, ti Amosu si ti bẹrẹ iṣẹ ni ọfiisi wọn, to wa niwe-iroyin, eyi tawọn alatako ẹ fọwọ agbara gba lọwọ ẹ.