Igbakeji Gomina ipinlẹ Ogun ni kawọn eeyan sọra fun wahala lakooko iforukọ silẹ.

 

 

Onimọ-ẹrọ, Nọimọt Salakọ, igbakeji gomina nipinlẹ Ogun, ti gba gbogbo ọmọ ẹgbẹ oṣelu APC, tipinlẹ naa lamọran lati yago fun ohun to le da wahala silẹ lakooko itorukọ silẹ ẹgbẹ yii to n lọ lọwọ.

 Obinrin ọhun sọrọ yii lakooko toun naa forukọ silẹ ni wọọdu kẹta, GRA, Ọta, nijọba ibilẹ Ado- Odo- Ọta, o sọ fawọn eeyan pe ki wọn sọra fawọn nnkan to le da eto iforukọsilẹ ẹgbẹ naa ru.

 O sọ pe lara ojuṣe ọmọ ẹgbẹ naa ni lati ri pe wọn pe ọpọ awọn eeyan jade lati wa forukọ wọn silẹ ninu ẹgbẹ yii. O ni gbogbo ẹtọ to wa nidii oṣelu kii ṣe fawọn to wa nijọba nikan, ṣugbọn fun gbogbo awọn eeyan lati jọ jẹ mudunmudun ẹ.

 Igbakeji Gomina ni ọna kan pataki ti wọn le fi ṣe eyi ni pe ki wọn forukọ silẹ lati jọ jẹ ọmọ ẹgbẹ ninu eto ti wọn n ṣe yi, O ni inu oun dun lati sọ pe Ogun West jẹ anfaani nla ninu iṣejọba to n lọ lọwọ, eyi ti Ọmọọba Dapọ Abiọdun jẹ olori fun.

 O wa rọ awọn ọmọ ẹgbẹ APC ni lagbegbe naa lati rii pe wọn jade, wọn si kopa ninu eto to sọ pe yoo pari lọjọ kẹẹdọgbọn oṣu yii.