Sẹnetọ Tolu Ọdẹbiyi gboriyin fun ajọ to n ri si ọgbin igbalode fun idasilẹ ẹkọṣẹ irẹsi lọna igbalode ni Igbogila. - BO SE RI

Breaking

Coco Samba

Coco Samba
Coco Samba

Thursday 26 November 2020

Sẹnetọ Tolu Ọdẹbiyi gboriyin fun ajọ to n ri si ọgbin igbalode fun idasilẹ ẹkọṣẹ irẹsi lọna igbalode ni Igbogila.

 


 Sẹnetọ Tolu Ọdẹbiyi, to n ṣoju Ogun West nile igbimọ aṣofin niluu Abuja ti gboriyin fun ajọ to n ri si ọgbin igbalode iyẹn National Centre for Agricultural Mechanisation (NCAM) lori igbiyanju wọn lati da ileeṣẹ ọgbin igbalode ti yoo maa gbe irẹsi jade ni Igbogila, nijọba ibilẹ Yewa North..

 Ninu atẹjade ti wọn fi sọwọ si wa ni wọn ti sọ pe ibi idasilẹ tuntun yii nireti wa pe awọn agbẹ ti wọn jẹ ọdọ tabi awọn ti wọn ṣẹṣẹ bẹrẹ iṣẹ agbẹ yoo ti ni anfaani lati maa kọ  wọn lori ọna bi wọn ṣe n gbin irẹsi lọna igbalode.

 Bẹẹ naa lo tun gboṣuba fun ẹka ijọba apapọ lori bi wọn ṣe forikori ti wọn si gbe akanṣe iṣẹ nla naa wa si agbegbe ẹ. O wa fi da wọn loju pe Igbogila ti wọn gbe e wa yii kii ṣe ibi ti wọn ti le kabamọ rara, nitori agbegbe naa dara pupọ fun nnkan ti wọn fẹẹ ṣe naa, Bẹẹ si ni awọn ilẹ to si wa nibẹ jẹ afojusun to yoo mu eṣo rere jade.

 Aṣofin Tolu Ọdẹbiyi, to tun jẹ ọkan lara ọmọ igbimọ nipa eto ọgbin lawọn idagbasoke igberiko nile igbimọ aṣofin, tun ṣalaye pe ẹkọṣẹ naa yoo tun pese iṣẹ fawọn to ba jẹ anfaani naa.

 Eyi to ni wọn yoo maa lo ọgbọn ti wọn ba ri kọ lakooko naa lati maa pese irẹsi ilẹ, ti yoo si jẹ ki iṣoro to n koju ọrọ aje wa ko dinku lawọn ipinlẹ ati lorileede yii lapapọ.

 

No comments:

Post a Comment

Pages