Dapọ Abiọdun tun fọwọsi iṣẹ akanṣe ona mejila mii in - BO SE RI

Breaking

Saturday, 24 October 2020

Dapọ Abiọdun tun fọwọsi iṣẹ akanṣe ona mejila mii in

 

 




 

Lati le jẹ ki atunṣe tun de bawọn ọna kan nipinẹ Ogun, to ti bajẹ atawọn eyi ti wọn ti pa ti, Goimna Dapọ Abiọdun, ti fọwọ si awọn iṣẹ akanṣe ọna mejila mii in kaakiri awọn ẹkun mẹtẹẹta to yii ka.



 

Ọrọ yii jade ninu ipade oniroyin to waye, nibi ti Onimọ-ẹrọ, Ade Akinsanya, to jẹ kọmiṣanna fọrọ iṣẹ nipinlẹ naa ti sọ nipa igbesẹ tuntun ọhun, eyi toun ati akẹgbẹ  Alaaji Waheed Oduṣile, jọ ṣe papọ.

 

Ninu ọrọ naa ni kọmiṣanna fọrọ iṣẹ ti mẹnuba awọn ibi ti iṣẹ akanṣe naa yoo de, awọn ọna naa ni Ijẹbu Ode-Ẹpẹ si Ṣagamu-Ọrẹ Interchange Flyover ni agbegbe Ijẹbu-Ode/Odogbolu. Ọna ọja Ilishan ni agbegbe Ikenne. Ọna Itori si-ile epo ni Ewekoro.



Awọn ọna ti Kọmiṣanna tun mẹnuba ni Jọju ni Ado-Odo Ọta, Olomore si Sanni nijọba ibilẹ Abeokuta North.Ọna Ṣagamu si Ipẹru ni agbegbe Ṣagamu/Ikẹnnẹ. Ọna Ipẹru si  Roundabout-Ode ni agbegbe  Ikenne. Ọna Agọ- Iwoye si Oru-Ijẹbu Igbo ni Ijebu North..


Bakan naa lo tun sọ pe akanṣẹ iṣẹ ọna yoo tun de ba Ṣomorin-Kemta, ni Idi-Aba lagbegbe Ọdẹda. Ọna Ilashe-Koko-Alari lagbegbe Ipokia. Ọna Orile Oko ni Rẹmọ North ati  Ọna Obafemi Awolowo, Mada si Takete in Rẹmọ North.

 

O ṣalaye pe bo tilẹ jẹ pe iṣẹ ti duro lawọn ibi kan nitori wahala iwọde to n lọ lọwọ nigboro, nitori bo ṣe ni wọn doju ija kọ awọn oṣiṣẹ ọhun lẹnu iṣẹ, ṣugbọn o ṣe ileri pe laipẹ ni wọn yoo pada sẹnu iṣẹ ti wọn ba ti yanju iwọde ọhun.

 

Onimọ ẹrọ Akin Akinsanya, tun fikun ọrọ ẹ pe o ni apero si n lọ lọwọ laaarin ijọba ipinlẹ Ogun ati ijọba apapọ lati gbakoso awọn akanṣe ọna ni Eko si Abẹokuta-si Sango-Ọta si Atan -Owode si Idiroko, ki iṣoro to n dojukọ awọn eeyan to n gba agbegbe naa le dinku.

 

Ninu ọrọ ti Kọmiṣanna feto iroyin nipinlẹ Ogun, Alaaji Waheed Oduṣile, nibi ipade oniroyin naa lo ti sọ di mimọ pe ijọba fọwọ si awọn akanṣe ọna ni latari bawọn araalu ṣe bẹbẹ fun un.

 

O sọ pe inu ijọba ko dun sipo tawọn ipo ti ọna naa wa lakooko yii atawọn nnkan ti awọn eeyan n dojukọ lori ọna yii, o wa ṣeleri pe ọpọ awọn agbegbe ni yoo jẹri si awọn idagbasoke tijọba yii ni lọkan fun wọn.

 



Bẹẹ lo tun fi kun ọrọ ẹ pẹlu idaniloju fawọn eeyan agbegbe Ọta, Akute, Alagbole pe ayọ ni yoo gbẹyin fun wọn lẹyin tijọba ba pari awọn akanṣe iṣẹ ọna yii. Ti wọn yoo si jẹ anfaani mudunmudun ijọba awarawa.

 

A o ranti pe lẹnu ọjọ  meloo kan kan sẹyin nijọba ipinlẹ Ogun fọwọ si awọn akanṣe ọna tuntun kan, awọn naa ni ọna Akute si Denro si Ishasi lagbegbe  Ifọ. Ọna Oluṣẹgun Ọsọba Toyin Street ni Ifọ ati  oju ọna marosẹ Mọlipa ni  Ijẹbu Ode.

 



No comments:

Post a comment

Pages