Joshua ati Emeka ogboju adigunjale to n ji ọkada ti ha ni Ijẹbu-Ode - BO SE RI

Breaking

Friday, 24 July 2020

Joshua ati Emeka ogboju adigunjale to n ji ọkada ti ha ni Ijẹbu-Ode


 
Awọn adigunjale meji kan,ti wọn ko mọ ju ki wọn ji ọkada lọ ki wọn si ta loju ẹsẹ ni agbegbe Ijẹbu-Ode, Joshua Micheal ati Emeka Nwanga lọwọ awọn ọlọpaa ti tẹ, ti wọn si ti n ka boroboro bayii

Logunjọ, oṣu yii, lọwọ awọn ọlọpaa digboluja to wa ni Ilese-Ijẹbu tẹ awọn eeyan ọhun. Gẹgẹ bi atẹjade to jade lati ọdọ awọn ọlọpaa ni wọn ti sọ pe awọn tọwọ tẹ yii ni wọn ti kopa ninu jiji ọkada kaakiri gbogbo ilu Ijẹbu Ode.

Wọn ni lakooko ti wọn gbidanwo lati ji ọkada mii in lagbegbe Ikangba, ni wọn ta awọn ọlọpaa lolobo, eyi to mu ki Olusesi Kayọde, ọga awọn ọlọpaa agbegbe ṣaaju awọn eeyan ẹ lọ sibẹ

Bi awọn adigunjale yii ṣe ri awọn ọlọpaa ni wọn sa lọ tawọn ọlọpaa si gba tẹle wọn pẹlu iranlọwọ awọn araalu, ti wọn si mu wọn.

Loju ẹsẹ ni wọn si bẹrẹ iwadii le wọn lori tawọn tọwọ tẹ naa si jẹwọọ pe loootọ lawọn  ko niṣẹ meji ju kawọn ji ọkada, kawọn si tun ta. Kọmisanna awọn ọlọpaa si ti paṣẹ pe ki wọn ko awọn eeyan naa wa si Eleweran, niluu Abẹokuta, ki iwadii si tẹ siwaju.

No comments:

Post a comment

Pages