Idile Arulogun fawọn ileewe lẹbun idena arun koronafairọọsi - BO SE RI

Breaking

Saturday, 25 July 2020

Idile Arulogun fawọn ileewe lẹbun idena arun koronafairọọsi


 
Lati le ran ijọba ipinlẹ Ọyọ, lọwọ lori igbogun ti arun koronafairọọsi lawọn ileewe alakọbẹrẹ ati ti girama ki wọn le maa ri ohun elo to le dena arun naa, idile Arulogun, ti ṣeto iranlọwọ ẹbun fawọn ileewe to wa niluu Arulogun naa.

Nibi eto naa to waye ni Mogaji ẹbi ọhun to tun jẹ Jagun Balogun ilẹ Ibadan, Oloye Monsur, ti ṣaaju awọn Baalẹ yooku lọ fawọn ileewe yii lẹbun. Nibẹ lo ti fi aidunnu ẹ lori ijamba ti arun korona yii le mu bawọn akẹkọọ, ti wọn ko ba tete wa nnkan to le dena ẹ.

Awọn ẹbun ti wọn fi ṣeranwọ fawọn ileewe ọhun ni ibomu, ifọwọ, ibọwọ, ike ipọnmi si atawọn nnkan mii in. Bakan naa ni wọn tun lo akoko yii lati gba awọn akẹkọọ nimọran, ọna ti wọn le gba dẹkun arun koronafairọọsi.


Nigba to n bawọn oniroyin sọrọ,Oloye Monsur sọ pe mọlẹbi Arulogun gbe igbesẹ naa lati fi atilẹyin wọn han sijọba Ṣeyi Makinde, to jẹ gomina ipinlẹ naa, ọna tawọn ṣi le gba fi ẹmi imoore han ni pe kawọn fọwọsowọpọ pẹlu ẹ lati fi gbogun ti arun korona yii


O ni ‘Awọn ileewe ti wọle pada nipinlẹ Ọyọ,a ni lati rii pe abo to peye wa lori wọn pẹlu alakalẹ igbesẹ tijọba fi silẹ. A ṣẹṣẹ bẹrẹ ni ninu idile wa, a o si maa sa ipa wa loorekoore”

Inu awọn ọmọleewe lo dun si awọn mọlẹbi foun ti wọn ṣe fun wọn to si tun jẹ iyalẹnu fun wọn pẹlu. 

Awọn yooku to tun tẹle mọgaji lọ ni Oloye Timothy Oluyọmbọ Arulogun, Baalẹ ti wọn ṣẹṣẹ yan, Arulogun 1 ati Oloye Lawal Taofeq Arulogun Baalẹ- ti Arulogun Ilu-ọja town atawọn mii in.






No comments:

Post a comment

Pages