Ọginni ni ki Dapọ Abiọdun ma ṣe jawọn eeyan kulẹ lori ẹyawo aadọta-le nigba biliọnu - BO SE RI

Breaking

Sunday, 14 June 2020

Ọginni ni ki Dapọ Abiọdun ma ṣe jawọn eeyan kulẹ lori ẹyawo aadọta-le nigba biliọnu




 
Ẹgbẹ apapọ awọn oloṣelu ti wọn forukọ silẹ nipinlẹ Ogun, eyi ti Ọginni Ọlapọsi Sunday, jẹ aṣaaju fun, ti rọ Gomina Dapọ Abiọdun, lati ma ṣe jẹ ki igbagbọ tawọn ọmọ ile igbimọ aṣofin ni ninu ẹ ja kulẹ lori bi wọn ṣe fọwọ si ẹyawo aadọta-le nigba biliọnu naira tijọba ẹ bẹbẹ fun.

Ninu atẹjade kan ti Ọginni fi sita fawọn oniroyin lọjọ Abamẹta, Satide, lo ti gba ijọba Abiọdun nimọran lati lo owo naa lọna tootọ,ati eyi to yẹ, bi wọn ṣe la kalẹ pe awọn fẹẹ lo. O ni ki akọsilẹ wa lori bi wọn ṣe n na owo ọhun

Bẹẹ lo tun rọ ọ lati ṣewadi lori bi wọn ṣe pin awọn ẹbun ounjẹ ti wọn gba lakooko ti korona fairọọsi nipinlẹ yii. 

Alaga naa tun ṣalaye siwaju pe awọn gboriyin fun bawọn ọmọ ile igbimọ aṣofin, eyi ti Ọnarebu Kunle Oluọmọ jẹ olori fun bi wọn ṣe fọwọsi ẹyawo naa, ọkan lara mimu idagbasoke ba ipinlẹ Ogun lo pe e.


O ni“ Ọkan wa ko balẹ lori taa si n woye nipa akosilẹ isiro ijọba Dapọ Abiọdun. Akọsilẹ nipa isuna lori bi wọn ṣe pin awọn ẹbun fun ti korona fairọọsi si mu ikunsinu wa tawọn araalu si fẹ mọ pato lori awọn nnkan wọnyii’’.

Bẹẹ  ni awọn apapọ ẹgbẹ oṣelu naa tun rọ ijọba lati ri pe wọn pari awọn akanṣe iṣẹ tijọba to ko gba wọle, o pari, niwọgba to jẹ pe isakoso ijọba n tẹsiwaju ni. Wọn tun ni ki wọn je kawọn iṣẹ akanṣe idagbasoke jẹ eyi ti yoo kaakiri awọn igun mẹtẹẹta to wa nipinlẹ Ogun.

Ọginni tun sọ pe“ Ni ipari, a rọ awọn ọmọ ile igbimọ aṣofin ipinlẹ Ogun, ki wọn ri pe wọn n ṣiṣẹ wọn lati ri pe gbogbo wọn ni wọn jẹ anfaani ẹyawo ọhun lati fi mu idagbasoke ba agbegbe ti wọn ti wa’’.

Ọginni sọ pe pẹlu akọsilẹ to wa nilẹ, ko ti si gomina ninu awọn to ti sejọba nipinlẹ Ogun, ti wọn gba iru ẹyawo owo eyi ti  Dapọ
Abiọdun gba. O wa ni awọn fẹẹ kojọba maa gbe bi wọn ṣe n nawo jade loṣoosu ninu awọn iwe iroyin, o kere ju iwe iroyin mẹta lati ileeṣẹ eto isuna

No comments:

Post a comment

Pages