Ijọba Ogun fofinde lilọ bibọ ẹgbẹ awakọ NURTW -Agbẹjọro Sunday Adeniyi

 

Bẹẹ ni wọn yan Iyẹru gẹgẹ bi alaga olusakoso garaji

Agbẹjọro Sunday Adeniyi, to jẹ alaga fun igbimọ to n ri si irinna ọkọ nipinlẹ Ogun ti sọ di mi mọ yiyan Alaaji Akeem Bọdunrin, tọpọ mọ si Iyẹru gẹgẹ bi alaga ti yoo maa ṣakoso garaji iyẹn Park Management

Ọkunrin naa sọrọ yii lakooko to n kopa  lori eto redio Sweet 107.1FM, O ni ijọba ipinlẹ Ogun, ti fofinde gbogbo lilọ bibọ ẹgbẹ awakọ naa lati akoko yii lọ.

O ni igbesẹ yii waye nitori wahala to n ṣẹlẹ ninu ẹgbẹ ọhun. O ni ijọba ti gbe awọn igbesẹ kan lati le jẹ ki awuyewuye naa dopin.

Agbẹjọro Sunday Adeniyi tun ṣalaye siwaju pe" Ijọba ipinlẹ Ogun ti yan Alaaji Akeem Abodunrin Iyeru  gẹgẹ bi alaga ti yoo maa ṣakoso awọn garaji. Oun ni wọn sọ pe yoo maa gbowo lọsẹ awọn awakọ NURTW nipinlẹ Ogun.

"Gbogbo agbara ni isakoso ijọba Dapọ Abiọdun, yoo ma sa lati ri pe abo to peye wa fun awọn olugbe ipinlẹ naa, to fi mọ awọn dukia wọn pẹlu nipinlẹ Ogun’’

O fikun ọrọ ẹ pe titi di akoko yii nipinlẹ Ogun, ko si nnkan to n jẹ ẹgbẹ awakọ ati pe wọn ti fofin de wọn titi ti wọn yoo fi yanju aawọ to wa laarin wọn.

O ni ẹnikẹni ti ẹgbẹ awakọ NURTW ba n wu ṣe, ko lọ darapọ mọ wọn lawọn ipinlẹ to sunmọ ipinlẹ Ogun. O ni Alaaji Iyẹru ni yoo jẹ olori ti yoo maa gbowo lọwọ awọn onimọto lakooko ọsẹ awọn awakọ NURTW.

Agbẹjọro Sunday Adeniyi, wa fi kun ọrọ ẹ pe ẹnikẹni to ba pe ara ẹ lọmọ ẹgbẹ awakọ NURTW yoo foju winna ofin ijọba.

Bakan naa ni agbẹnusọ awọn ọlọpaa nipinlẹ Ogun, Abimbola Oyeyemi, naa sọ lọjọ Aje, Monde, pe awọn ko gbọ nnkankan boya ibo ti Alaaji Tajudeen Baruwa, ṣaaju ẹgbẹ naa lapapọ waye, o wa ṣeleri pe gbogbo ọna lawọn yoo sa lati ma ṣe jẹ kawọn kan da wahala silẹ nipinlẹ naa.