Lẹyin ayẹyẹ ọjọọbi aadọta ọdun; Iyawo Iba Gani Adams bi ibeji - BO SE RI

Breaking

Coco Samba

Coco Samba
Coco Samba

Wednesday 27 May 2020

Lẹyin ayẹyẹ ọjọọbi aadọta ọdun; Iyawo Iba Gani Adams bi ibeji




Idunnu lo ṣubu layọ fun Aarẹ ọna kakanfo ilẹ Yoruba, Iba Gani Abiọdun Ige Adams, lọjọ Iṣẹgun, Tusidee, ana, nigba ti iyawo ẹ, Ayinba Mojisọla Adams, bi ibeji.

Gẹgẹ bi atẹjade ti Ọgbẹni Kẹhinde Aderẹmi, to jẹ oludamọran pataki fun Iba Gani Adams nipa iroyin fi sita lo ti ṣalaye pe ọsibitu aladaani kan to wa niluu Eko, ni obinrin naa bimọ si, iyẹn ọkunrin kan ati obinrin kan.

O fikun ọrọ ẹ pe alaafia ni iya atawọn ọmọ naa, o wa fi idunnu ẹ han si Ọlọrun fun oore ati ẹbun nla ti wọn ri gba yii.


Atẹjade naa lọ bayii " Pẹlu afikun ibeji ti Ọlọrun fi ta idile mi lọrẹ, inu mi dun pe Ọlọrun tun ṣe oun iyanu fun mi paapaa julọ lakooko taa wa yii, mo fi ọpẹ fun Ọlọrun pe o ṣe nnkan ti wọn ro pe ko le ṣe e ṣe’.

O ni oun dupẹ lọwọ gbogbo awọn eeyan ti wọn ba oun yọ latigba ti oore nla naa ti wa de ọdọ oun, o loun dupẹ gidigidi fun Ọlọrun. A gbọ pe latigba ti iroyin naa ti tan ka lawọn eeyan fi rọ wọ ile ẹ to wa ni Omole Phase 2  nibi ti Aarẹ Ọna kakanfo n gbẹ.


No comments:

Post a Comment

Pages