Idi taa fi fọsẹ kan kun konile-o-gbele nipinlẹ Ogun- Dapọ Abiọdun - BO SE RI

Breaking

Saturday, 16 May 2020

Idi taa fi fọsẹ kan kun konile-o-gbele nipinlẹ Ogun- Dapọ Abiọdun


 
Bo tilẹ jẹ pe ero ọkan awọn araalu nipinlẹ Ogun, ni pe boya Gomina Dapọ Abiodun, yoo gbẹsẹ kuro lori ofin konile-o-gbele, eyi ti wọn ti wa lẹnu ẹ lati nnkan bi ọsẹ marun-un sẹyin, ṣugbọn biri lọro yii nigba ti Gomina sọ pe pẹlu akọsilẹ to ṣi wa nilẹ lori arun koronafairọọsi, o di dandan ki awọn araalu tẹsiwaju igbele wọn fun ọsẹ kan.

Gẹgẹ bi ipade to bawọn oniroyin ṣe ni alẹ ana, ni ọfiisi gomina to wa niluu Abẹokuta, O sọ pe afikun ọsẹ kan yii ṣe pataki nitori erongba awọn araalu ti wọn ṣe lati le sọ nipa bi wọn ṣe ri korona fairọọsi yii ati igbesẹ wo lo tun kan.

O ni erongba ọpọ awọn eeyan lori ẹrọ alatagba twiita lo ti ni ninu ẹgbẹrun mẹfa awọn eeyan to da si ida mẹtalelaadọta lo fọwọsi ki igbele tẹsiwaju, nigba ti ida mẹtalelogoji fẹẹ ki wọn ṣagbeyẹwo nigba ti ida mẹrin ko sọ pato.
Dapọ Abiọdun tun ṣalaye pe pẹlu awọn ẹri tawọn ti ni nilẹ yii, ati bawọn araalu ko ṣe fọwọsowọpọ pẹlu ilana ati eto ilana ti wọn la silẹ lori koroona fairọọsi yii, kawọn araalu pada so konile- o- gbele wọn titi di ọjọ Aiku, Sannde, ọjọ kẹrilelogun, oṣu karun-un, ọdun yii.
O ni’ A ṣetan lati tẹsiwaju lati maa mọ bi nnkan ṣe n lọ lakooko konile-o-gbele lawọn agbegbe wa, pẹlu idaniloju pe abayọri yoo de ba arun ọhun, ti opin yoo si de ba jijoko tawọn eeyan jokoo nile’
‘’Mo tun fẹẹ mu wa fun iranti yin pe iṣede ti aarẹ orileede yii ṣofin ẹ si n tẹsiwaju laaarin aago mẹjọ alẹ si aago mẹfa aarọ kutu ṣi wa nilẹ ati pe fifinde irinajo lati ipinlẹ kan lọ si keji naa n lọ’
O ni ko si aye fawọn ọmọ ipinlẹ Ogun atawọn ti wọn ki i ṣe ọmọ ipinlẹ ọhun fi tipa wọlu, ẹnikẹni ti ọwọ ba tẹ lo sọ pe yoo jẹ iyan ẹ niṣu. O tun wa mu fun iranti pe ijọba yoo tẹsiwaju lati maa ṣe awọn nnkan to tọ, to si yẹ fawọn eeyan ẹ. O ni gbogbo araalu lo ni lati fọwọsowọpọ pẹlu ijọba lati le koronafairọọsi kuro nipinlẹ naa.

No comments:

Post a comment

Pages