Gbogbo aṣiṣe Buruji Kashamu mo setan lati tu sita- Bayọ Dayọ. - BO SE RI

Breaking

Coco Samba

Coco Samba
Coco Samba

Tuesday 26 May 2020

Gbogbo aṣiṣe Buruji Kashamu mo setan lati tu sita- Bayọ Dayọ.



Oloye Bayọ Dayọ to n murasilẹ lati fipo alaga ẹgbẹ oṣelu PDP silẹ nipinlẹ Ogun ti sọ oun ṣetan lati tu gbogbo aṣiṣe Buruji Kashamu sita, to ba fi le kọwọ bọ oun lẹnu, nitori lai kekere loun ti mọ ọn.  Ati pe oun ti murasilẹ lati pe e lẹjọ fun ibanilorukọ jẹ.

Ọkunrin naa sọrọ yii lakooko to n ba oniroyin wa sọrọ lori ẹsun ti Kashamu fi kan an pe o n wọna lati gba ẹmi oun, o ni eyi ti ẹni to ti figba kan jẹ aṣoju nile igbimọ aṣofin niluu Abuja, fun ẹkun Ogun East naa n ṣe ti kọja ọrọ oṣelu, nitori o ni to ba jẹ oṣelu ni o ṣi le niyanju lọjọ iwaju.

Alaga naa sọ pe ‘’ Eyi ti Buruji n ṣe yii kii sọrọ oṣelu mọ, to ba jẹ ọrọ oṣelu ni irẹpọ ṣi le wa lọjọ iwaju, ṣugbọn o ti faa ko ja patapata, ṣe ẹ mọ pe mi o sọ nnkankan, mi o dahun,mo mọ Buruji lati kekere, latigba ti wọn ti bi ni mo ti mọ on, gbogbo  aṣiṣe to ti ṣe tẹlẹ, ko si eyi ti mi ko mọ nibẹ’’

‘’Amọ agbalagba ni mi, agbalagba ko kii sọrọ tan, mo si ti pe ọkan lara awọn ọmọ ẹ, pe ko ba ọga ẹ sọrọ, ibi to n ba ọrọ bọ ko sọrọ nibẹ o, eeyan gbọdọ ro nnkan daadaa ko to ṣe e. Mi o fẹ sọ nnkankan o, ṣugbọn to ba tọwọ bọ mi lẹnu ki ẹnikẹni ma da mi lẹbi o’’

Bakan naa lo tun ṣalaye siwaju pe oun ti lọ si kọọtu, oun ti pe Kashamu lẹjọ lori ẹsun ibanilorukọ jẹ. O ni ọpọ awọn to gbọ ẹsun to fi kan oun ni wọn bẹrẹ si ni pe oun pe ki lo ṣẹlẹ pẹlu bi wọn ṣe sun mọ ara wọn to, idahun to ni oun fun wọn ni pe ija lawọn ni kawọn pari ninu ẹgbẹ PDP ipinlẹ Ogun, ki wọn ye gbe ara wọn lọ sile-ẹjọ mọ ni ko tẹẹ lọrun to parọ mọ oun pe oun ti gbowo lọwọ Ladoo

Bayọ Dayọ tun sọ pe ‘’Gbogbo igba taa wa papọ naa pẹlu irọju ni, nitori pe  suuru ti agbalagba ni, ni mo ni, ohun to fi n lọ mi, ki i ṣe nnkan ti wọn fi n lọ alaga ẹgbẹ.

“Mo ni ọpọlọpọ suuru pe bo ti wu ko ri, maa lo akoko mi tan bi alaga ẹgbẹ.ki n si maa bọ nile ọdọ mi.  Eyi ti wọn wa n sọ lakooko yii pe awọn kan fẹẹ lọ ṣe jagidijagan latigba ọfiisi, ki lo kan mi, pẹlu ọjọ-ori mi pe wọn fẹ lọ da wahala silẹ.

‘’Ko ti si latigba taa ti da ẹgbẹ PDP silẹ,ko si ẹnikẹni to sọ pe oun ṣe alaga ẹgbẹ naa fọdun mẹjọ nipinlẹ Ogun ri, Buruji wa lara awọn to jẹ ko ṣe e ṣe.Eeyan ko wa gbọdọ ṣe oore ko wa jokoo sidi ẹ.

O ni kii ṣe igba akọkọ ree toun ti gbe igbesẹ toun gbe yii, o ni o ti le lọdun meji touni kọ lẹta lọ si Abuja, Ọnarebu Akitan lo sin oun lọ nigba naa, toun alaga, akọwe ati oludamọran ẹgbẹ lapapọ sọrọ pe ki wọn ba wọn gbe igbesẹ ki isọkan le wa ti gbogbo nnkan yoo fi lọ daradara.

O wa pari ọrọ ẹ pe pẹlu gbogbo nnkan to n ṣẹlẹ yii ko le mu ifasẹyin ba oun lori irẹpọ toun n ṣe. Kaka ki oun  pada, oun yoo tubọ tẹra mọ ọn ni. O si tun jẹ koun fojoojumọ lero lẹyin.

No comments:

Post a Comment

Pages