Ajọ ọmọ-ilu tun fawọn ọmọ ẹgbẹ oṣelu PDP ni mọto mẹẹẹdọgbọn - BO SE RI

Breaking

Saturday, 16 May 2020

Ajọ ọmọ-ilu tun fawọn ọmọ ẹgbẹ oṣelu PDP ni mọto mẹẹẹdọgbọn


 
Idunnu lo subu layọ awọn ọmọ ẹgbẹ oṣelu PDP, tipinlẹ Ogun, nigba ti mẹẹẹdọgbọn ninu wọn tun gba mọto lọfẹẹ, eyi ti wọn ni ajọ ọmọ-ilu, iyẹn Ọmọ-Ilu Foundation, ti Sẹnetọ Buruji Kashamu da silẹ, ṣagbatẹru ẹ.

Gẹgẹ bi a ṣe gbọ, wọn ni wọn fawọn eeyan naa lẹbun ọhun lati fi ro wọn lagbara. Ninu atẹjade ti wọn fi sita, eyi ti wọn pe akọle ẹ ni ‘’Ko si nnkan to le da wa duro, a n sun siwaju’’ nibẹ naa ni wọn tun ti pin ọkada ọkada lawọn ijọba ibilẹ kọọkan, eyi ti wọn lo ti bẹrẹ ni ijọba ibilẹ Ijẹbu-North ati Ọbafẹmi-Owode.

Bẹẹ ni wọn ni erongba awọn ni lati pin igba le aadọta mọto, bẹẹ tun ni ẹkọ ọfẹ atawọn ironilagbara mii in lo wa lọkan wọn lati ṣe fawọn ọmọ ẹgbẹ wọn.

A o ranti pe laipẹ yii ni Sẹnetọ Kashamu fawọn oloye ẹgbẹ tuntun PDP ni mọto pẹlu ileri pe awọn nnkan mii in  tun bọ toun fẹẹ ṣe.

No comments:

Post a comment

Pages