Wọn lounjẹ isọnu nijọba ipinlẹ Ogun pin kaakiri

Bo tilẹ jẹ pe ijọba ipinlẹ Ogun sọ ni ibẹrẹ ọsẹ yii pe ounjẹ tawọn n pin fawọn eeyan lakooko ti wọn n gbele fun ti arun korona fairọs ki i ṣe fun ẹlẹgbẹjẹgbẹ tabi idagbasoke bi ko ṣe awọn to ku diẹ kaato lawujọ, ṣugbọn ni bayii, wọn lounjẹ naa ti di isọnu nitori awọn ti wọn sọ pe awọn ni lọkan lati fun ko de ọpọ ọdọ wọn.

Gẹgẹ bi a nnkan taa gbọ nnkan tawọn ẹlẹgbẹ idagbasoke ti wọn sọ fun pe awọn yoo maa ko ounjẹ naa fun sọ ni pe wọn kan fi n sọ awọn lẹnu ni, nitori awọn ounjẹ ti wọn ko fawọn ko nnkan tawọn le fawọn to ku diẹ kaato gan-an ko to nnkan.

Awọn to ba oniroyin wa sọrọ sọ pe awọn aworan ati ariwo ti wọn pa lori tẹlifiṣan ati redio lori bi wọn ṣe n pin ounjẹ naa, arumọjẹ ni nitori nnkan ti wọn pin fawọn eeyan ko ṣe fẹnusọ.

Ọpọ awọn olori idagbasoke lawọn eeyan wọn ko nigbagbọ ninu wọn, ti wọn sọ pe wọn ko ounjẹ naa pamọ, wọn ko fẹẹ fawọn. Fun apẹẹrẹ ni Agbado, ohun ti wọn ko fawọn eeyan naa lati pin ko ṣe fẹnu sọ, titi di akoko taa si n sọrọ yii, awọn kan ko tii gba.

Iroyin kan ta a tun gbọ ṣugbọn ti a ko ti i fidi ẹ mulẹ ni pe wọn ni wọn ti kọwọ oṣelu bọ nnkan ti wọn pin, wọn lawọn ọmọ ẹgbẹ oṣelu APC ti wọn wa lawọn wọọdu, ni wọn lanfaani sawọn ounjẹ tijọba ipinlẹ naa pin lakooko korona fairọs yii, wọn ni wọn fi n gbẹsan lara awọn ti wọn ki i sọmọ ẹgbẹ wọn.

Ju gbogbo ẹ lọ, awọn araalu ti sọ pe isọnu gba a ni ounjẹ ti wọn pin, ti wọn ko si fi ibẹru Ọlọrun si i.