Ọwọ awọn fijilante tẹ Aminu to fi irun ori awọn obinrin ṣoogun owo l’ Abẹokuta - BO SE RI

Breaking

Tuesday, 7 April 2020

Ọwọ awọn fijilante tẹ Aminu to fi irun ori awọn obinrin ṣoogun owo l’ Abẹokuta














Ọwọ awọn fijilante ti Naijiria to wa nipinlẹ Ogun, ti tẹ Ọdọmọkunrin kan, Aminu Buhari, lori ẹsun pe wọn ka oriṣiriṣi irun awọn obinrin lọwọ ẹ, eyi ti wọn lo fẹẹ fi ṣoogun owo.

Gẹgẹ bi ọrọ ti Ọgbẹni Adedoyin Ọlanrewaju, to jẹ ọga agba fijilante nipinlẹ Ogun, sọ jade lo ti ṣalaye pe lọjọ Aiku, Sannde,lakooko ti konile-o-gbele n lọ lọwọ ni wọn mu ọkunrin naa.

Ọkan lara awọn ọmọọṣẹ fijilante, Alimi Sodik, to wa lara awọn to n sọ agbegbe Kutọ, niluu Abẹokuta, fun ti igbele korona fairọs ni wọn ri Aminu atọrẹ ẹ, ni nnkan bii aago mọkanla kọja iṣẹju mejila ọjọ naa.

Wọn ni ibi tawọn eeyan naa ti n rin regberegbe pẹlu apo kan lọwọ lawọn ti fura si wọn, bawọn ṣi ṣe dawọn duro ni ẹnikeji ẹ ti sa lọ, eyi gan-an lo jẹ ki ara fun wọn tawọn si mu Aminu.

O ṣalaye pe wọn lawọn beeere lọwọ ẹ pe ki lo wa ninu apo to gbe dani, ṣe wọn lo n kalolo, to sọ pe oun loun ni ẹru to wa nibẹ, lawọn ba ni ko tu u, bo ṣe di pe oriṣiriṣi irun lo wa nibẹ.

Ọga fijilante ọhun lawọn  beeere lọwọ ẹ ibi to ti ri awọn irun naa, o ni irun obinrin naa ati pe ṣe lawọn maa n sa lori akitan tawọn si tun maa n ra lọdọ awọn to n ṣe irun lọpọ igba.

Aminu tun jẹwọ fun wọn pe Kano lawọn maa n ta awọn irun naa si ati pe kaakiri ilu lawọn maa n lọ lati waa fawọn to bẹ awọn niṣẹ, oun si ti n bawọn ṣiṣẹ naa tipẹ.

Nigba ti wọn beeere lọwọ ẹ pe kin ni wọn maa fi irun naa ṣe, wọn lo ni oogun owo ni.

Ni bayii, Ọga agba fijilante naa, Adededoyin Ọlanrewaju ti sọ pe awọn ti mu afurasi naa lọ si teṣan awọn ọlọpaa to wa ni Ibara, ti iwadii si n tẹ siwaju.

No comments:

Post a comment

Pages