Ọba tuntun ni Ijẹbu-Igbo gba awọn araalu nimọran lori koronafairọs. - BO SE RI

Breaking

Sunday, 5 April 2020

Ọba tuntun ni Ijẹbu-Igbo gba awọn araalu nimọran lori koronafairọs.




Ọmọọba Adeleke Adekọya, ti wọn ṣẹṣẹ yan gẹgẹ bi ọba tuntun ni Oke Agbo, Ijebu Igbo, ti rọ gbogbo awọn araalu ẹ atawọn eeyan ipinlẹ Ogun, lati ma ṣe kanju ju ijọba lọ lori igbesẹ konile-gbele ti wọn ni ki gbogbo wọn wa. nitori arun koronafairọs ti wọn lo n tan kaakiri yii.
Gẹgẹ bi atẹjade ti ọkunrin naa fi sita, lo ti sọ pe ki gbogbo awọn eeyan fọwọsowọpọ pẹlu ijọba lati le tete dẹkun arun naa, ko ma di nnkan ti apa ko nii le ka lọjọ iwaju.

O wa gba awọn eeyan niyanju lati ma ṣe awọn nnkan ti ajọ ilera lagbaye la kalẹ lati maa ṣe, nipa fifọwọ wa loorekoore pẹlu ọṣẹ ati omi to mọ, ki wọn si maa bo imu wọn, nitori awọn idọti to le ikọ, tabi sinsin, ki wọn si sọra fun pe wọn n bọ awọn eeyan lọwọ lakooko yii.

Bẹẹ lo tun gbawọn niyanju ki gbogbo awọn eeyan duro sile titi di akoko tijọba fun wọn da, o ni gbogbo igbesẹ tijọba n gbe fun anfaani awọn araalu naa, nitori ko si nnkan to dara to ki gbogbo eeyan wa ni alaafia.

O tun wa lo anfaani naa lati ke si awọn ẹlẹyinju aanu lati dide iranwọ sijọba lati jọ gbogun ti arun naa, ki wọn ṣi ṣe nnkan to ba ti ọkan wọn wa lati fi ran eto ẹka ilera lọwọ.
O gbadura pe laipẹ yii ni arun naa yoo poora lorileede yii ati ni gbogbo agbaye, nitori nnkan to n ṣẹlẹ lakooko yii, arun gbogbo aye ni.

No comments:

Post a comment

Pages