Koronafairọs; Sẹnetọ Ibikunle Amosun pin ounjẹ fawọn araalu. - BO SE RI

Breaking

Coco Samba

Coco Samba
Coco Samba

Friday 10 April 2020

Koronafairọs; Sẹnetọ Ibikunle Amosun pin ounjẹ fawọn araalu.

 
Sẹnetọ Amosun ṣalaye bi wọn yoo ṣe di awọn ẹru ounjẹ naa

Lati le jẹ kawọn eeyan ri ounjẹ jẹ fun ti igbele koronafairọs to n lọ lọwọ nipinlẹ Ogun, Sẹnetọ Ibikunle Amosun, to n ṣoju ẹkun aarin gbungbun nile igbimọ aṣofin niluu Abuja, iyẹn Ogun Central, ti bẹrẹ si ni pin ẹbun ounjẹ fawọn araalu, lati le maa mu nnkan sẹnu.


Ipin ounjẹ naa to bẹrẹ lati Ọjọbọ, Tọsidee, ana, la gbọ pe wọn ti n gbe lọ kaakiri awọn wọọdu, eyi ti wọn bẹrẹ ni ijọba ibilẹ Ifọ.Awọn ounjẹ ti wọn n pin naa la ti irẹsi, ororo, mimie atawọn nnkan mii-in.
 
Lara awọn ẹru ti wọn ko sinu mọto
Lọgan ti wọn si ti gbe de awọn wọọdu to wa ni ijọba ibilẹ Ifọ, lawọn eeyan ibẹ ti n tẹwọgba, ti wọn si n dupẹ lọwọ ẹni to ṣẹṣẹ fipo gomina silẹ nipinlẹ Ogun pe o ṣeun, binu ọpọ awọn eeyan ti wọn jẹ anfaani ṣe dun to ni wọn ṣe n fi ọkan wọn gbadura fun Sẹnetọ naa.

Ijọba ibilẹ Abeokuta South ati ti Abẹokuta North, la gbọ pe wọn pin ounjẹ naa fun lonii, ki awọn to pin ounjẹ naa to fi mọto wọn gbe ounjẹ naa de lawọn to wa ni wọọdu ti wa ni imurasilẹ, ti wọn reti wọn.
 
Awọn irẹsi ti wọn pin naa
Bẹẹ lawọn eeyan naa fi adura ranṣẹ si Sẹnetọ Amosun fun oore nla to ṣe fun wọn, ti ko jẹ ki ebi pawọn sinu ile. Ohun ta a tun gbọ ni pe iranwọ ti Amosun n ṣe yii ki i ṣe agbegbe ẹ nikan lo fẹẹ ṣe si, wọn ni yoo nawọ ẹ de awọn ẹkun yooku to wa nipinlẹ Ogun.

Ọkan lara mọto to kẹru naa lọ sawọn ijọba ibilẹ

No comments:

Post a Comment

Pages