Korona fairọs; Ipinlẹ Ogun tun gba mọto pajawiri meji, owo atawọn ẹbun mii in - BO SE RI

Breaking

Saturday, 11 April 2020

Korona fairọs; Ipinlẹ Ogun tun gba mọto pajawiri meji, owo atawọn ẹbun mii in


Gẹgẹ bi konile-o-gbele ṣe n tẹsiwaju tijọba ipinlẹ Ogun si n sagbara lati ma jẹ ki arun naa gbalẹ, eyi to fa igbele fawọn eeyan, titi di akoko yii lawọn ẹlẹgbẹjẹgbẹ fi n dide iranlọwọ fun ijọba lati le sa ipa wọn.

Lọsẹ to kọja yii ni igbakeji Gomina ipinlẹ Ogun, Onimọ-ẹrọ Nọimọt Salakọ-Oyedele, fi gba awọn alejo ni ọfisi ẹ nibi ti wọn ti mu ẹbun ọkan-ọ-jọkan wa lati fun iranwọ fawọn araalu, ki igbele ti wọn wa ko ma jẹ ko sun wọn.

Lara awọn ẹbun ti igbakeji Gomina gba wọle lọjọbọ, Tọsidee, osẹ yii ni moto pajawiri tawọn oloyinbo n pe ni Ambulance,ounjẹ loriṣiriṣi,ati owo tawọn eeyan ọhun fi fatilẹyin wọn han si ijọba lati koju arun korona fairọs yii.

Nigba to n gba awọn ẹbun naa lorukọ ijọba, Nọimọt Salakọ, fi ẹmi imoore ẹ han fawọn to mu awọn ẹbun naa wa si apo ijọba pẹlu  bi nnkan ṣe ri lakooko yii wọn tun le ṣe awọn nnkan wọnyii.

O fikun ọrọ ẹ pe loorekoore nijọba yoo maa sa ipa lati le jẹ ki ajọṣepọ to danmọran wa laarin wọn ati awọn ẹlẹgbẹjẹgbẹ, awọn ẹlẹsin atawọn ileeṣẹ lawujọ, ki idagbasoke tun fi le jọba.


Obinrin naa tun sọ pe aimọye owo nijoba ipinlẹ yii ti na lori wahala ti arun korona fairọs da silẹ lati le ri pe abo ati ilera to peye wa fawon olugbe ipinlẹ naa.

O ni lara awọn igbesẹ tijọba ti gbe ni fifun awọn eeyan to ku diẹ kaato lawujọ ni ounjẹ kaakiri ijọba ibilẹ Ogun to wa nipinlẹ ọhun, o wa lo akoko yii lati fi tun pe awọn ẹlẹyinju aanu lawujọ pe kawọn naa sa ipa wọn fun iranlọwọ awọn araalu.

Ko to to akoko yii, ni ọga agba nileesẹ Ogun Osun River Basin Authority, Ọgbẹni Olufemi Odumosu, ti sọ pe awọn ṣagbekalẹ awọn nnkan ọgbin bii igba kireeti ẹyin, omi inu ọra mimu ẹgbẹrun lọna ogun,gaari gẹgẹ bi ipa tawọn naa fawọn araalu fun ti akoko ta a wa yii. O ni aimọye ẹmi ni korona fairọs yii ti mu lọ, to si tun ti sakoba fun eto ọrọ aje wa pẹlu.


Lori ipade ẹrọ ayelujara ni Igbakeji gomina ti dupẹ lọwọ ileesẹ Procter and Gamble, fun bi wọn ṣe gbe ọṣẹ lorisirisi towo ẹ to miliọnu marun un abọ naira.
Bakan naa ni ajọ awọn Imaamu naa gbe miliọnu meji abọ naira silẹ.

Ileeṣẹ to n muna wa Ibadan Electricity Distribution Company, naa fi miliọnu naira kan silẹ, Ileeṣẹ to n ṣe simẹnti Lafarge Africa Plc, ti Arabinrin Folake Odegbami, ṣaaju naa gbe mọto pajawiri silẹ fun ti korona fairọs yii naa ni.


No comments:

Post a comment

Pages