Iya Saidi onirọba fun Baba Lẹgba lowo fun itọju aisan ẹ - BO SE RI

Breaking

Monday, 20 April 2020

Iya Saidi onirọba fun Baba Lẹgba lowo fun itọju aisan ẹ




Obinrin arugbo ti wọn pe ni Iya Saidi onirọba to pariwo sita lakooko ti konile-o-gbele ṣẹṣẹ bẹrẹ pe toun ba ri ọkunrin to le foun ni ẹẹdẹgbẹta naira oun le gbe abẹ oun silẹ lati ṣe kinni foun, tawọn eeyan si dide aanu si loju ẹsẹ naa ti ṣe bẹbẹ o

Lọjọ Aiku, Sannde, ni obinrin naa fun agba oṣere onitiata nni, Alaaji Yekeen Oyedele tọpọ mọ si ẹgbẹrun lọna ogun naira lati fi tọju ara ẹ.
Nile Baba naa to wa ni Itoku ni obinrin naa ati gbajumọ sọrọsọrọ, ẹni ti Ọlọrun lo fun un iyẹn Kọlawọle Adejojo tọpọ mọ si Kasnaty ti fun agba oṣere ọhun ti wọn lo ti wa lẹnu aisan tipẹ, ti ko le  jade nile lowo naa.

Nigba ti obinrin yii sọrọ o loun gbe igbesẹ naa lati fi ran Baba Lẹgba lọwọ nitori pe nigba toun naa wa ninu ailowo lọwọ ti gbogbo ẹ dojuru, awọn ọmọ orileede yii dide soun, ti wọn si ran oun lọwọ.



O wa ni ẹbun toun fun baba naa koun naa fi lọ ra ounjẹ sile lati maa jẹun, nitori bi ounjẹ ba kuro  ninu iṣẹ, iṣẹ ti buse. Ninu ọrọ Baba Lẹgba, o dupẹ lọwọ Iya Saidi onirọba fun iranwọ to ṣe foun, eyi to sọ pe o jọ oun loju.

Ko to to akoko yii, ni obinrin naa ti kọkọ mu ẹbun ẹgbẹrun lọna ọgọrun- un naira fun Kasnaty lati fi ẹmi imoore ẹ han ṣugbon tiyẹn da a pada fun.    

No comments:

Post a comment

Pages