Awon obayeje lo fee ba oruko ileewe poli DS Adegbenro je o- Ojogbon Fatade - BO SE RI

Breaking

Thursday, 3 October 2019

Awon obayeje lo fee ba oruko ileewe poli DS Adegbenro je o- Ojogbon Fatade



Ojogbon Femi Fatade, oga agba nileewe poli D.S. Adegbenro ICT , to wa ni Itori, nijoba ibile Ewekoro, nipinle Ogun, ti so pe ko soooto ninu iroyin tawon kan gbe  jade lori ero ayelujara lori isakoso ileewe naa, o lawon obayeje kan lo wa nidii e lati fi ba oruko awon alase ileewe ohun loruko je.

Iroyin naa to jade to pe akole e ni egbe awon omoleewe poli lapapo NAPS, fesun  awon iwa buruku kan awon alakoso ileewe Poli ti won ti da sile lati bi odun metala seyin.

Lara awon esun ti won lawon egbe akekoo naa fi kan awon oga ileewe naa ni bi won se ni won fee fi kun owo ileewe, gbigba owo abele lowo awon omoleewe naa atawon esun mii in.

Nigba to n soro nipa esun naa, oga agba ileewe naa so pe ileewe naa ko tii fikun owo ileewe sugbon won n gbero lati fi egberun marun un kun owo igbawole ati ikojade awon omoleewe.

Okunrin naa so pe awon alakoso ileewe kan n bebe lodo ijoba ki won fawon laye lati safinkun awon nnkan mejeeji naa.
Fatade tun salaye siwaju pe loooto lawon ti ni lokan lati safikun owo ileewe fun ti eko 2019/2020 , eyi  ti yoo bere lojo keje, osu kewaa, odun yii, sugbon se nijoba dawon lekun lati ma se gbe igbese naa, o ni ki won wa bi won se wa, tawon ko si yi oro naa pada.

O tun so pe iwadii toun se fihan pe awon kan ti won ko fee ilosiwaju ileewe naa ni won ledi apo po mo awon omo ileewe kan pelu lati ko awon alase ileewe naa si wahala, sugbon ti Olorun ko fun won se.


O ni boun se wa yii, latigba toun ti darapo mo ileewe yii, oun ko bawon da si oro oselu awon omoleewe naa, koda oun kii bawon da si eni ti yoo je aare won pelu. Oun maa fi won sile lati se nnkan won to fi mo inawo won.


Fatade wa so pe awon alakoso ileewe naa je eni to pa ofin mo, to si n wa ojo iwaju, ti won je akinkanju, ti won si n sise doju amin lati le ri pe ileewe naa wa nipo asaaju laarin awon elegbe e lorileede Naijiria.


Ojogbon  naa wa so pe gege boun se je alakoso, onimo-eko, ati obi gbogbo agbara to wa nikawo oun pe oun fawon omoleewe nimo eyi ti yoo wulo fun won lojo iwaju.
O ni gbogbo awon alakoso ileewe naa ni won yoo sise po pelu Gomina Omooba Dapo Abiodun, lati rii pe eko di oun irorun fun mutumuwa nipinle yii.

O wa gba awon akekoo atawon osise ogba nimoran lati fowosowopo pelu awon alase ileewe yii, ki ileewe naa fi le goke agba.

No comments:

Post a comment

Pages