Ile ejo fagile ibo to gbe Osunsanya APC wole ni Ijebu - BO SE RI

Breaking

Monday, 9 September 2019

Ile ejo fagile ibo to gbe Osunsanya APC wole ni Ijebu



 Igbimo to n gbejo  lori ibo asojusofin to waye ti fagile ibo to gbe Onarebu Kolapo Korede Osunsanya tegbe oselu APC wole gege bi asoju-sofin fun ekun ti aarin gbungbun Ijebu Central federal constituency, o si ti pase pe ki atundi ibo waye laarin aadorun ojo.

Taiwo Shote, to dije labe egbe oselu Peoples Democratic Party (PDP) lo gbe okunrin naa lo sile lati pe oludije APC naa lejo pe ibo to gbe okunrin naa wole ninu ibo ti won di lojo ketalelogbon, osu keji, odun yii, nibi ti won ti kede Osunsanya gege bi eni to jawe olubori ko lese nile, o lowo ojooro ninu.

Ninu idajo ti Adajo Wakkil Alkali Gana saaju fun lo ti fagile awon ibo to waye ni woodu karun, nijoba ibile Ijebu Ode, bee naa ni won tun fagile ti woodu kewaa, lagbegbe keta ni Odogbolu  ati gbogbo eyi to waye woodu kejo ni Ijebu North-East.

Ile ejo naa wa pase ninu idajo won pe niwongba ti ibo ti olupejo ati olujejo ko tii to egberun merin ti won fi ju ra won lo, ti won si ti fagile bi egberun mejo ati irinwo, ko ye ki ajo eleto idibo kede Osunsanya gege bi eni to wole labe ofin idibo..

 Won tun so pe nnkan to ye ki alajo eto idibo naa se ni pe o ye ki won so pe ibo naa ko tii kese jari, ki won si seto atundi ibo lawon ibudo toro naa kan.

Idi niyii ti Adajo naa fi so pe ko wole gege bi asoju sofin, o si fagile ibo pelu ase pe ki atundi ibo waye laarin aadorun ojo si akoko yii.

Nigba to n soro nipa idajo naa, Shote sapejuwe idajo naa gege bi aseyori nla fun ofin ile wa. O ni inu oun dun fun idajo to waye naa, bo tile je pe won ti fi igbejo naa fale latile. O wa dupe lowo Olorun ati gbogbo eeyan e ni  agbegbe Ijebu Central.

No comments:

Post a comment

Pages