Egbe oselu lebo ti da Arabambi duro gege bi alaga won ni Ogun

Olori egbe oselu lebo lapapo ti jawe gbele e fun igba die naa fun alaga egbe naa nipinle Ogun, Ogbeni Abayomi Olufemi Arabambi ti won si ti ni ki Babatunde Atanda Coker, si je adele e na.

Nibi ipade oniroyin ti won se Lojobo,Tosidee, ni igbakeji alaga fun ekun ile Yoruba, Bode Simeon, ti soro yii.

O so pe awon gbe igbese naa nitori bi Arabambi se kuna lati fopin si wahala to wa ninu egbe naa nipinle Ogun titi di akoko ti won pe ipade oniroyin naa.

 Bode Simeon salaye pe o se pataki lati bawon oniroyin soro nitori igbese tawon gbe naa, nitori kawon omo egbe atawon araalu le mo bi nnkan se n loo si ninu egbe oselu naa.

 O tun fikun oro e pe oun ti gbase lati odo alaga egbe naa Abdulkadri Abdulsalam, ko to di pe awon gbe igbese naa ati lati je kawon eeyan mo pe okan soso ni egbe oselu lebo, ko si iyapa ninu egbe naa mo.

 Bode Simeon ni " Lati akoko yii lo, a ti da Abayomi Olufemi Arabambi, duro gege  bi alaga egbe oselu lebo nipinle Ogun. Niwongba to ti je pe aye ipo naa ko le wa ni ofo, idi niyii taa fi yan igbakeji e. to tun je alaga egbe naa fun ekun aarin gbungbun Ogun, Babatunde Ranti Amanda Coker, lati je adele alaga titi digba iyanju yoo fi de "

 Simeon tun so fawon oniroyin pe alaafia joba ninu egbe oselu naa ati pe won ti setan lati sise po pelu egbe oselu mii in fun ilosiwaju ipinle Ogun.

 Bakan naa ni alaga egbe naa lapapo atawon oloye egbe oselu lebo nipinle Ogun ti so pe awon ko lowo si gbogbo igbese ti alaga won ti won daa duro naa, Abayomi Arabambi ti n gbe lori oro ibo gomina to waye.