Egbe oselu APC ipinle Ogun gboriyin fun idajo to waye lori bi Dapo Abiodun se jawe olubori

 Egbe oselu All Progressives Congress (APC), eka tipinle Ogun ti gboriyin fun idajo ti igbimo to n gbejo lori ibo gomina to waye ninu osu keta ka nibi ti won ti da Omooba Dapo Abiodun lare gege bi eni to jawe olubori nibi ibo naa.

Ninu atejade ti Ogbeni Tunde Oladunjoye, to je akowe olupolongo fegbe oselu naa  fi sita leyin ti idajo waye  ni won ti gboriyin fawon adajo naa fun ise takuntakun ti won se lati igba ti igbejo naa ti bere. Eyi ti won lo mu idajo ododo jade.

O ni ise nla tawon igbimo to gbejo naa se lo je kawon mo pe Abdulkabir Akinlade tinu egbe oselu APM atawon ti won sonigbowo e je olukuna patapata nitori bawon ejo won ko se lese nile.

  

Oladunjoye  tun so pe “ O je oun iwuri pe lati gboriyin fun idajo naa nitori bo se n loo lowo ni won gbe jade lori teifisabn, ti redio naa gbe jade bee lori ero ayelujara. Eyi to so pe o tu asiri ijakule awon to pejo faraye ri. Ohun itiju nla lo je pe oludije ati egbe oselu ti won fee fi tipa sejoba ko nimo eko bo se to nipinle Ogun”.

Egbe oselu APC naa wa so pe amoran awon fawon eeyan naa ni pe ki won gbagbe gbogbo ikunsinu ki won si pawopo sise po pelu  Dapo Abiodun lori erongba lati gbe ipinle yii goke. Eyi ti won lo ti n mu ileri e se.

Won wa lo anfaani naa lati dupe lowo gbogbo awon omo egbe oselu APC ipinle naa fun aduroti won latigba ti won ti bere ti ko si fi ti eleyameya se bee naa ni won tun gboriyin fawon oniroyin naa.