Dapo Abiodun kawon APM darapo mo won tabi loo gbaradi fodun 2023

Gomina Dapo Abiodun tipinle Ogun ti ro gbogbo awon omo egbe oselu APM lati darapo mo APC pada tabi  loo bere si ni gbaradi  fun ibo fodun 2023.

Gomina soro yii lakooko to fi iduunu e han lori bile ejo se daa lare ninu igbejo  to waye lanaa, Satide, Abameta. O so pe oun ka idajo naa kun aseyori fun ijoba tiwa-n-tiwa.

Ninu atejade kan ti akowe iroyin gomina naa, Ogbeni Kunle Somorin fi sita lo ti so pe oun ro awon akegbe oun ninu egbe oselu Allied Peoples Movement (APM) lati gbagbe nipa ibo 2019 ki won si je kawon jo fowo sowo po pelu ijoba e lati tun ojo iwaju ipinle naa se papo gege bi erongba e.

O tun gba won niyanju pe kaka ti won yoo maa fi sun owo nina tabi fakoko sofo, ki won je kawon jo soro bi won yoo se pada sinu egbe All Progressives Congress (APC) nibi to ni won ti bere tabi ki won kuku loo bere si nii murasile  fun ibo fodun 2023. 

Dapo Abiodun tun so pe " Aye wa fawon oludije fegbe oselu APM  atawon omo egbe oselu yooku lati darapo mo wa ni APC. Mo fee kawon to si n binu mo pe ijoba tiwa-n-tiwa je ti gbogbogboo lati sakoso.Awon eeyan ti soro bee ni igbejo si ti jeri si pe emi ni mo bori, enikeni ti ko ba si dun mo ko loo bere igbaradi fodun 2023"