Apapo egbe oselu ipinle Ogun ki Dapo ku oriire bee ni won tun gba Akinlade lamoran. - BO SE RI

Breaking

Monday, 16 September 2019

Apapo egbe oselu ipinle Ogun ki Dapo ku oriire bee ni won tun gba Akinlade lamoran.



Apapo  egbe oloselu ti won foruko sile nipinle Ogun ti fi idunnu won han si abajade idajo ibo gomina to waye lojo Abameta, Satide, to koja yii, nibi ti won ti fagile ejo ti Akinlade tegbe oselu APM pe  Gomina Dapo Abiodun.

Gege bi atejade ti Otunba Mosuro Adebayo, Alaaji Moshood Adesina ati Oginni Olaposi Sunday fowo si laaaro ojo Aje, Monde, nibe ni won ti ki Gomina Dapo Abiodun ku oriire ajabo to jabo nibi igbejo naa.
  
Won ni idajo to waye naa, eyi ti Adajo Halilu saaju fun fihan daju pe loooto ni awon eeyan ipinle Ogun dibo fun Omooba Dapo Abiodun gege bi gomina lojo kesan an, osu keta, odun yii.

Bakan naa lapapo egbe oselu naa tun ki Oloye Yemi Sanusi, Ayo Olubori ati Tunde Oladunjoye  ti won je oloye egbe APC nipinle Ogun fun akitiyan lati ma se je kawon modaru ti won sise tako egbe naa bori, ti won si je ki Omooba Dapo Abiodun  saseyori lakooko ibo naa.

Won tun so ninu atejade naa pe pelu ajosepo ti won ni pelu apapo egbe oselu fihan daju pe awon oloye egbe oselu APC sise takuntakun lati rii aseyori ibo gomina naa waye laisi wahala tabi idaamu kankan lakooko naa.

Bee naa ni won tun lo anfaani naa lati ki Aremo Olusegun Osoba ku oriire fun ipa baba pelu ogbon imo ati oye to mu won saseyori abajade esi idajo naa.

Apapo egbe oselu naa tun wa gba Onarebu Adekunle Akinlade ti egbe oselu APM nimoran lati ma se pinnu pe oun yoo pejo ko-te-mi-loru, won ni tete ni oselu, eni to ba padanu lonii, le fidi remi lola.

Won wa ro egbe oselu APC ati Gomina Dapo Abiodun lati lo aseyori ti won se lati rii pe awon to binu kuro ninu egbe APC loo si APM , ki won dawon po, ki won le di ebi kan.

Won wa ni ki Dapo Abiodun ma se je ki wahala awon apapo egbe oselu latigba ti won ti bere di akoko yii ja si asan




No comments:

Post a comment

Pages