Abiodun fawon olopaa ni ogorun un moto, igba okada fun abo araalu.

Lati le je ki eto abo araalu tun gun rege,Gomina Dapo Abiodun tipinle Ogun, ti fawon olopaa ni ogorun un moto ati igba okada, nibi ayeye kan to waye ni ofiisi gomina,Oke- Mosan, niluu Abeokuta.

Oga agba patapata fawon olopaa lorileede yii, Mohammed Adamu ni Gomina fa moto ati okada naa le lowo leyin to se ifilole e tan.

Nibe lo ti kan sara si oga agba agba awon olopaa naa fun akitiyan e 

lori eto abo kaakiri orileede yii.Paapaa lori bi iwa ijinigbe, egbe okunkun atawon iwa odaran mii in se dinku yato si bo se n sele laarin ojo ketalelogun si kerinlelogun, osu keje, ati ni ojo kin in ni osu kejo,ti gbogbo e si ti n lole bayii.

Abiodun salaye pe oko ofurufu elikopita ti won gbe sile lati fi sawari awon ti won ji gbe ran ipinle yii lowo lati bo ninu isoro awon ajinigbe naa.

Gomina tun fidi e mule pe ko si ipinle naa lorileede yii yo bo lowo esun odaran okan-o- jokan to waye naa ati pe  agbekale igbimo ti yoo seto owo feto abo tawon sagbekale, ti isakoso se abadofin lati gbe dide,  nitori idi eyi owo yoo tete maa wa nile fun ipese abo awon araalu.

Ninu oro ti oga agba patapata fawon olopaa lorileede yii, Mohammed Adamu so pe wiwa toun wa ni lati tun ro awon olopaa abe lagbara, lati gbe emo igboya wo won lati te siwaju nipa eto abo, o ni ijoba apapo sa ipa won lopo igba nipa riro ileese olopaa lagbara nipa awon ohun elo.

Okunrin naa tun so pe ijoba apapo sakiyesi pe ileese olopaa ni isoro aini ohun elo ija to, idi niyii to fi ni won gbe igbese lati ra  ati bo ti ye.

 Adamu  wa fikun oro o pe awon olopaa ti setan lati bere igbese olopaa agbegbe kaakiri orileede yii, o ni igba ti akoko lati maa gba eeyan ba to, oun yoo wa ba ijoba ipinle fun iranlowo lona lati gba eni to ba kun oju osuwon.