Won yoo sadura ojo mejo fun Mama Akimu Ologbonwo

Ola, Ojobo, Tosidee, ni won yoo sayeye adura fidau fun Alaaja Ayisatu Kehinde Odejinmi, to je Iya Suna Ijemo Agbadu Ibon niluu Abeokuta.

Gege bi atejade kan ti omo e, Alaaji Akimu Odejinmi topo mo si Ologbonwo, to ti figba je alaga kansu nijoba ibile Abeokuta South fi sita, ile molebi won to wa ni Wasinmi, Ake ni adura naa yoo ti waye bere ni dede aago mejila osan.

O fi kun oro e pe gbogbo eto lo ti ti fayeye adura ojo mejo naa nibi tawon alaafa yoo ti wa seto adura naa. Ojo kejilelogun, osu yii ni mama naa dagbere faye leyin to ti lo odun merindinlaadorun laye.

Nigba to n sapejuwe nipa Mama naa, Akimu Ologbonwo so pe eeyan jeje ni mama naa, to ko si fesin sere, o ni elesin islam tooto ni mama oun, to si maa n fadura ran gbogbo awon omo ati ebi lowo.

O tun fi kun pe se lo maa n ya mama naa lenu pe se oun loun bi oun nitori bi iya naa se tutu to, O ni ipa ti Mama naa ko laye oun ko kere. Omo mefa la gbo pe iya naa fi saye lo.