Obasanjo fee pari ija odun meedogun laarin Ayetoro ati Itele

 

Bi nnkan se n loo yii, o seese ki ija odun meedogun to ti wa laarin awon eeyan agbegbe Ayetoro ati Itele nijoba ibile Ado-odo/Ota  nipinle Ogun pari, ko si di ohun afiseyin.

Idi ni pe Oloye Olusegun Obasanjo, Aare orileede yii tele, lo ti seleri pe oun yoo wa opin si nnkan to n da wahala sile laarin awon mejeeji, ti ija yoo si pari patapata.

Lojo Eti, Furaidee, ose to koja ni Obasanjo se ipade po pelu awon igun mejeeji ti oro naa kan, eyi to waye ni lusegun Obasanjo Presidential Library (OOPL) Abeokuta, nibe lo ti so fun won pe akoko ti to bayii lati pari ija naa.

Wahala to ti n waye laarin awon eeyan agbegbe meji naa lati odun 2004 la gbo pe o ti mu emi opo eeyan lo topo ohun ini si tun baa rin pelu.

Nibi to ka Obasanjo lara de, o so ninu ipade naa pe bi ogun abele ile wa se lagbara to, ti won doju ibon ko ara won sibe naa awon jokoo papo lati yanju e ni.

O ni ara ere ariyanjiyan ni ija sugbon o di dandan kawon pe ara won njo lati gbe igbese bi alaafia ilosiwaju yoo se deba awon iran to n bo.

O ni oun mo pe Akanle yoo seto igbese alaafia naa nitori aigbele mi, gbogbo nnkan to ba so , o ni oun loun so nitoti omo ale lo n ri inu ti ki i bi, omo ale ni won n be, kti ki i si gbebe.o tun wa be won leekan si lati je ki ogun naa pari laarin won.

Oba ilu Ayetoro, to je Onibudo tiluu Ayetoro-budo, Oba Adewunmi Adeniji Odutala, ninu oro e lo ti mu da Obasanjo loju pe alaafia ati ilosowaju yoo pada siluu mejeeji.

O dupe lowo Oloye Obasanjo ati Akanle fun ipa ti won sa lati pe awon mejeeji toro naa papo pelu gbogbo igbese to ti waye tipe sugbon ti ko so eso rere.

Nigba to n soro  loruko awon ara agbegbe Itele, Alh. Kazeem Ajiboye topo mo si Oluomo  naa mu dawon loju nibe pe ogun ti pari laarin won. Oun naa dupe lowo awon agba mejeeji fun ife ti won ni lati yanju aawo naa pelu ileri pe gbogbo nnkan to ti sele tele ni yoo di oun gbagbe.

Abraham Idowu Akanle,  toun pelu olori awon osise aare tele Diakoni Victor Durodola, jo wa  ninu ipade ki Obasanjo to debi ipade naa ti koko gba awon agbegbe mejeeji naa niyanju lati je ki ife ati alaafia joba laarin won.