Lojo ti won sinku osise alaaboSo- Safe Corps awon eeyan baraje pupo

 

Beeyan ba je ori ahun, ko si ki omi maa bo loju e to ba de ibi ti won ti seye ikeyin fun Kehinde Akhigbe, osise alaabo So-Safe Corps tawon adigunjale yinbon fun. Lojo Abameta, Satide, ni won sin okunrin naa.

Nibi eto isinku naa to waye ni ile isinku Lantoro, to wa  lona Kobape niluu Abeokuta lawon molebi atawon eeyan okunrin naa to fi mo awon osise alaabo egbe e ti fekun ranse si ekun, pelu awon orin aro lorisirisii.

Bee lawon osise So- Safe naa seye ikeyin fun akoni won to loo naa, awon gan an naa ni won gbe oku ti won si sin in leyin ti won ti se isin ikeyin fun un.

Ninu osu kefa odun yii lawon adigunjale yinbon fun okunrin naa ni adugbo Community to wa ni Oke Lantoro, Abeokuta lakooko ti ajo So-Safe koju ija sawon adigunjale naa.

Loju ese ni won si ti gbe okunrin naa loo si osibitu FMC  niluu Abeokuta, nibi to ti lo ose meloo kan ko to di pe won tun gbe loo si osibitu LUTH niluu Eko.
A gbo pe ojo to pada dele lokunrin akoni naa dagbere faye iyen  lojo Abameta, Satide, ojo ketadinlogbon osu to koja yii. Odun mejidinlaadota ni Mathew lo laye.

Soji Gazallo, to je oga agba fun ajo alaabo naa lo saaju awon eeyan e lo sibi ayeye isinku naa, eni to ba si ri okunrin kaa yoo ti mo pe ajalu nla loro iku okan lara awon omoose e naa.