Ijoba ipinle Ogun fee gbakoso ona ijoba apapo meta lati satunse - BO SE RI

Breaking

Thursday, 1 August 2019

Ijoba ipinle Ogun fee gbakoso ona ijoba apapo meta lati satunse




Lati le je ki nnkan rorun fun onise aje, aladaani atawon olokoowo nla, ijoba ipinle Ogun ti n gbe igbese lati bere ise atunse oju ona lawon ona meta to je ti ijoba apapo.

Gege bi atejade ti Ogbeni Kunle Somorin, to je akowe iroyin fun Gomina Dapo Abiodun fi sita, lo ti so pe Gomina soro naa lakooko to n se ipade po pelu awon alakoso banki lagbaye, eyi ti Ogbeni Rachid Benmessaoud saaju, to waye niluu Abuja.

Nibe lo ni o ti so pe oun ti toro aye lowo ijoba apapo lati tun awon ona naa se.

Awon ona naa ni Ikorodu – Ogijo – Sagamu , Epe – Ijebu – Ode road ati Eko – Ota – Abeokua. Awon ona naa ni won so pe won wonu ara won lati ipinle Eko si Ogun ki irorun le bawon onise okoowo ati aladaani.

O ni Gomina Dapo Abiodun gbe igbese naa nitori pataki ti oro aje n ko lori awon ona.

O tun salaye pe pataki idagbasoke ajosepo ni lati jo tun ojo iwaju se ni erongba  pelu awon onise aladaani nla ki ipinle ba tun le gbero si, ki ise si wa fawon ti ko nise lowo.

Gomina Dapo Abiodun tun fikun oro e pe Ona Eko si Abeokuta  je eyi to maa n banilokanje paapaa lakooko ojo, o ni awon eeyan si maa n lo won si n bo lona lojoojumo.

O fikun oro e pe  "Awon eeyan to n wa lati Iyana Ilogbo maa n so nnkan toju won n ri lalaal lojoojumo nitori ona to ti baje naa.O ni ona yii ti won ti n sise lori e tipe si nilo bilionu merindinlogbon naira ki won to pari e.  

"Billionu naira kan nijoba apapo seto e ninu eto isuna fun ona naa.Gege bi ijoba to sunmo awon eeyan e, to si n fee nnkan gidi fun won, a ni lati wa nnkan se ",

Bee lo ni ona Epe - Ijebu Ode naa n fe iru nnkan bee ati ona Ikorodu-Sagamu.

O ni ijoba ipinle Eko ti pari ona ti won si Epe-Ijebu Ode. Nnkan tawon n fee ni lati se kilomita merinla abo ko fi le bara won mu.



No comments:

Post a comment

Pages