Apapo egbe oselu ti won foruko sile ni ki Akinlade jawo ninu ejo to pe Dapo Abiodun. - BO SE RI

Breaking

Tuesday, 2 July 2019

Apapo egbe oselu ti won foruko sile ni ki Akinlade jawo ninu ejo to pe Dapo Abiodun.



Egbe apapo oselu ti won foruko sile fun ibo to waye seyin ti ro oludije fun ipo gomina labe egbe oselu APM, Onarebu Adekunle Akinlade, lati jawo ninu ejo ti okunrin naa pe Gomina Dapo Abiodun, lori ibo gomina to waye ninu osu keta.

Oro yii waye ninu ipade oniroyin ti apapo egbe oselu naa pe nibi tawon to dije fun ipo gomina labe egbe oselu kookan ti ro Akinlade lati gba kadara gege bawon naa se gbaa, ko si gba lati baa sise papo.
Ninu oro Adebayo Mosuro so loruko awon oludije gomina yooku lo ti so pe awon ro Akinlade lati jawo ninu ejo to pe Dapo Abiodun, ko si ki i ku oriire gege bawon oludije yooku se se
Awon apapo egbe oselu naa ti won to mejidinlogoji, ti won ni oludije gomina meedogun ni won tun so pe ko tii pe ju ti Akinlade ba jawo ninu ejo naa, ti ki i ba se pe imotara eni nikan tabi ife ara e lo n le.
Mosuro tun so pe ki Akinlade gba kamu bi Gboyega Isiaka tegbe oselu ADC,  Buruji Kashamu egbe PDP, Rotimi Paseda ti SDP  ati Sina Kawonise ti YES se se ti won gba abajade esi ibo naa.
Okunrin naa tun so pe gbogbo awon egbe oselu naa lo gba pe ibo naa waye nirorun rose. O so pe ejo ti APM pe lakooko yii ko nitumo bigba teeyan fakoko sofo ni.
Bee lo tun ro igun mejeeji egbe oselu Lebo naa lati jawo ninu ejo tawon naa pe Dapo Abiodun.


No comments:

Post a comment

Pages