Won ni alaga roodu je awon omoose lowo osu bee lo tun folopaa hale mo awon oloye egbe e - BO SE RI

Breaking

Saturday, 8 June 2019

Won ni alaga roodu je awon omoose lowo osu bee lo tun folopaa hale mo awon oloye egbe e



Asiko taa wa yii ki i sakoko to dara fegbe awon to n fi moto sowo, Road Transport Employees Association of Nigeria (RTEAN), iyen roodu tipinle Ogun, nitori bi won se fesun orisiirisii kan alaga egbe naa, Ahmed Kuku, ti won lo n lepa emi awon oloye  egbe e, bee lo tun je awon omoose won to wa niofiisi won lowo osu.

Gege bi a se gbo, lati odun to koja ni awuyewuye naa ti n loo ninu egbe naa, nitori bi won se ni alaga naa se n se, ko te awon omo egbe lorun mo, idi niyii tawon yen fi so ninu osu kejila odun naa ninu ipade egbe naa pe awon ko nigbagbo ninu ijoba e mo.

Latigba naa la ti gbo pe egbe roodu ko se ipade olosoosu ti won maa n se mo, bee ni won ni alaga won ohun, tun sa kaakiri.

Eyi ti won wa so pe o buru ju ninu oro naa gege bi esun ti won fi kan Kuku ni pe se lo n lo awon olopaa kan lati maa fi hale mo awon omo egbe ti won tu asiri pe alaga won sowo egbe naa basubasu.
Iwadii fi ye wa pe lati nnkan bii odun meta seyin ti okunrin naa fi wa nipo alaga egbe naa ko ni banki ti won fowo egbe pamo si, ti ko si le si si akosile bi won se nawo naa.

Ninu oro Tiwalade Akingbade, to je akowe fegbe roodu nipinle Ogun lo tun ti tan imole soro naa pe emi gbogbo awon ko de lowo alaga won ti won n pe ni Kuku naa, idi niyii tawon fi tete pariwo sita.

O so pe ninu osu kin in ni odun yii legbe naa ti ko leta si alaga egbe naa lati fipo e sile, ki won le se iwadii lori awon esun sisowo basubasu ti won fi kan an naa.

Sugbon to so pe o ko, kaka bee awon olopaa lo fi n hale mo awon alatako e yii.

Lara awon ti akowe egbe naa so pe Kuku halemo kaakiri ni Kayode Inaolaji, igbakeji egbe naa, Munirudeen Jimoh, igbakeji akapo, Folami Folarin, igbakeji alaga nipinle Ogun, Yahya Oriyomi.

Awon yooku ni  Akeem Kolawole, Kayode Kehinde, ati Akibu Titilayo (Efele), atawon oloye egbe yooku.

Bee lo so pe awon ti ko leta fifi ehonu won han si ileese awon otelemuye iyen DSS,ileese awon olopaa lati bawon gbe igbese lori wahala to sele naa.

Bakan naa lawon osise won to wa ni ofiisi won ni Abeokuta naa tun so ti won pe wahala to n sele ninu egbe naa ti ran awon, nitori alaga won ko fawon lowo osu.


Sugbon alaga ti won fesun kan naa, Kuku ti so pe ko si ooto kankan ninu esun ti won fi kan oun. 

No comments:

Post a comment

Pages