Gbogbo aye lo sedaro Oba Haruna Olaoye Abass, Berejoku, Oke- Agbo, Ijebu Igbo, to waja.

Lale ojo Isegun, Tusidee, ni nnkan naa ti sele, bo si se tii sele, ko see pariwo, nitori won ki i pariwo nnkan bee nile Yoruba sugbon nigba ti yoo fi di aaro, ojo keji, Ojooru, Wesidee, iroyin ti tan jake jado, pe akoni oba ti waja. Oba Haruna Olaoye Abass ti loo sibi agba re.

Ko seni to gbo nipa iku Oba naa ti ko se ni kayefi, ki i se pe baba naa ko dagba, odun merinlelaadorun un lo lo laye sugbon awon araalu e tun fee ki Oba naa tun pe ju bee lo nitori iwa rere e.

Nitori e ni ko se ya opo awon eeyan lenu nitori bi won se rawon omo ilu atawon alabagbe se ya loo si aafin Oba naa lati mo boya ooto loba naa waja tabi iro ni.

Nigba ti yoo fi di aaro Ojobo, Tosidee, ti won fee sinku akoni oba naa, se ni ilu Ijebu- Igbo min titi, nitori bawon omo ilu naa to wa leyin odi se yawo ilu lati wa seye ikeyin fawon oba naa.

Bawon to ti je minisita to je omo ilu naa se yoju bee lawon seneto, komisanna naa ko gbeyin, lati wa seye ikeyin foba ilu won.

Lati nnkan bi aago meje aaro lawon eeyan ti n ro de aafin lojo naa, nigba to di aago mejila osan ni won gbe oku Kabiyesi naa loo si mosalasi jimo nibi ti won ti sadura si oku e, ko to di pe won gboku e pada wa si aafin nibi ti sin in si.

Leyin naa lawon Imaamu lati Ijebu- Ode ati ti Ijebu Igbo saaju awon Alfa yooku lati sadura fun Oba Abass to waja naa.

Gege bi a se gbo, lojo kokandinlogbon, osu kewaa, odun 1925 ni won ni Oba Haruna ni idile ebi Egburu ni Iga, Oke-Agbo, Ijebu-Igbo.

Sugbon lodun 1992, ti aye ipo Olori-Ilu ati Lapoekun si sile to si kan idile  Iga ni won ranse pe Oba naa lati wa dije, to si bo sipo oye naa lojo kefa, osu kefa, odun 1992.

Idunnu subu layo won lojo kokandinlogbon, osu keji, odun 1997,  nigba ti won fun un ni igbega si oba, ori oye naa lo wa titi to fi waja. Awon abule to wa labe e le ni ogorin.

Won ni lakooko to fi wa lori oye lo mu ilosiwaju ati idagbasoke bawon eeyan e ni Oke- Agbo. Lara awon to wa nibi isinku oba naa ni Seneto Gbenga Kaka, Ogbeni Babatunde Ipaye, Onarebu Dupe Adelaja, Ogbeni Bayo Adesanya atawon mii in.

Ninu ise ibanikedun ti Otunba Gbenga Daniel, gomina tele nipinle Ogun ran lo ti sapejuwe Oba naa gege bi asaaju rere, to si tun fi awokose gidi lele.

Atejade naa ti Ogbeni Ayo Giwa fi ranse, lo ti ni Gbenga Daniel ki awon ebi oba naa ku afera ku, o ni latigba ti oba naa ti wa lori oye lati odun 1992, lo ti sa ipa e lati ko oore wolu naa.

O ni titi aye loruko Oba naa ko ni pare ninu iwe itan fawon aseyori e, o wa tun ki gbogbo awon Oke-Agbo ku afera ku, o ni loooto lawon padanu oba rere, ti won yoo si maa ranti e titi lae.

Ninu oro ti Seneto Gbenga Kaka, lo ti so pe ebun nla ni Oba naa je nigba to wa laye, o ni ki i se fawon Oke- Agbo nikan, fun gbogbo ile Ijebu lapapo.