Gbogbo akanse ise ti Amosun se ku nijoba mi yoo pari- Dapo Abiodun - BO SE RI

Breaking

Sunday, 2 June 2019

Gbogbo akanse ise ti Amosun se ku nijoba mi yoo pari- Dapo Abiodun




  Gomina Dapo Abiodun tun ti so leekan si pe gbogbo akanse ise ti eni to gbase lowo e, Iyen Seneto Ibikunle Amosun se ku nijoba oun yoo pari laida kankan si ninu e.

O soro yii lakooko to n fesi si iwaasu Bisobu ekun ile Egba tijo Anglican Communion, Eni- Owo Emmanuel Adekunle se nibi
akanse isin idupe to waye ni ijo Cathedral, St. Peters, Ake, niluu Abeokuta.

Bee lo tun mu dawon loju pe ijoba oun yoo pese imayederun fawon to wa ni igberiko nipa titun ona se,idasile awon ileeese
ati pe nipa oro eto eko, o lawon ti n gbe igbese lati pese idokowo awon ileese aladani bi yoo se po nipinle yii.

Dapo Abiodun tun so pelu idaniloju pe awon ti n gbero bi apero yoo se waye nipa eto eko nibi ti won yoo ti soro lori bi ipinle yii yoo se pada sipo asiwaju ti won wa tele nidii eko.

Ki Gomina Dapo Abiodun, to soro ni oniwaasu ojo naa Eni- owo Emmanuel Adekunle ti kilo fun gomina naa ko ma se da awon agba nidii oselu ti won sise fun un lakooko ipolongo ibo nu.

Ojise Olorun naa tun so pe ohun to se pataki fun gomina naa ni lati fi ti Olorun siwaju gbogbo nnkan to baa se pelu iberu Olorun.
O ni Okunrin naa ni oore ofe lati maa gbamoran lowo awon agba oselu yii nipa isakoso e, ki i se pe ko wa dawon nu bi omi isanwo.

Eni- owo Adekunle so pe oun ko nii pe won ni baba isale nitori awon ti won n pe ni baba isale ni won maa n ri oselu bi okoowo, lati le lo agbara nigba ti nnkan ba n dun.

Bisobu naa wa gba Dapo Abiodun nimoran lati lo ipo e lati fi satunse lori eto eko to ti fee mu itiju ba ipinle Ogun lawon yara ikawe.

O ni ki Gomina ranti pe abe awon oluko lo ti jade nitori idi eyi ko se itoju awon oluko daadaa, ko ma se fowo je won niya paapaa awon oluko feyinti, ko rii pe o mu inu won dun.

Lara awon to wa nibi isin idupe ti won fi ka ese eto olojo mewaa ti won se fun ti ijoba tuntun yii ni Aare Olusegun Obasanjo,  Otunba Gbenga Daniel, Donald Duke atawon oba alaye pelu awon eeyan jakanjakan niluu.


No comments:

Post a comment

Pages