E je ka ki Otunba Olurotimi Paseda, okan lara omo Yoruba atata, ku oriire ojoobi e.

Ki  i se oro enu lasan, bi won ba daruko okan lara omo Yoruba atata,  eleyinju aanu, to ti tun igbe aye opo awon eeyan se,  Otunba Rotimi Paseda, je okan ninu won, asaaju si tun ni pelu.

Lojo Abameta, Satide, ni okunrin omo bibi Omu- Ijebu, nipinle Ogun sajoyo ojoobi, to fi  n dupe lowo Olorun pe o da oun si, opo awon eeyan ni won baa sayeye naa ti won si n ki i ku oriire.

Agba oselu ni okunrin naa, eemeji otooto lo fi jade dupo gomina labe egbe oselu UPN ati  SDP, bi okunrin naa ko tile wole sibe iyen ko nii dawo iranwo e duro, titi di akoko yii lo si n fi nnkan ti Olorun fun un lati fi ran awon alaini lowo.

Bawon agbagba lokunrin lobinrin se n je anfaani bee lawon omode naa je nibe nipa gbigbe ikekoo lakooko isinmi awon omoleewe kale nibi tawon omoleewe alakobere titi de girama ti je anfaani lawon agbegbe to wa nipinle Ogun.

Iyen nikan ko, omo olojoobi tun sagbekale ajo kan ti won pe ni Otunba Rotimi Paseda Foundation, nibi topo awon eeyan tun ti je anfaani ironilagbara.

Ohun to mu ki okunrin to tun je onisowo ti Olorun Oba fopolo jinki se yato si tawon eeyan ni pe ko fi tegbe oselu kankan se nipa aanu e fawon eeyan, o fee je pe awon ti ki i somo egbe e lo n je anfaani naa se.

Ninu iwa asaaju rere to tun fi le le ni pe ko ya egbe oselu kan sapa kan, opo ipa lo ti ba awon oloselu bii Otunba Gbenga Daniel, Omooba Gboyega Nasir, Seneto Buruji Kashamu atawon mii in, ko si si nnkan mii in bi ko se lati wa ona ti idagbasoke yoo de ba ipinle Ogun, tawon  araalu yoo kuro ninu ijoba amunisin.

Bee ni ko se ya opo eeyan lenu nigba ti okunrin naa loo ki Gomina Dapo Abiodun ku oriire lakooko to wole ibo gomina to koja, to si seleri lati sise po pelu okunrin naa.

E ma je ko ya yin lenu pe bi okunrin yii se nileese nla lorileede yii bee naa lo ni ni oke-okun, toun atawon oyinbo jo n jokoo se ipade po. Bee ni ko tun fawon eeyan Olorun sere, nitori oun gan-an agba emi ni.

Meloo lo ka ninu eyin adepele fawon ohun ribiribi to ti se, igbagbo ati erongba awon araalu ni pe ka ni won fun okunrin naa loore- ofe lati tuko ipinle ati orileede yii ni yoo se ju bo se n fee lo lati mu iderun wa.

Idi niyii to fi ye ka ki okunrin oloripipe, ojise Olorun, eleyinju aanu, ti ko ni oruko meji taa le pe ju omo YORUBA ATATA, ku oriire, e o se opo odun laye.