Baba Suwe ti soro o, o ni iku nikan lo le gba ise tiata lowo oun - BO SE RI

Breaking

Saturday, 15 June 2019

Baba Suwe ti soro o, o ni iku nikan lo le gba ise tiata lowo oun



Gbajumo osere ilu mon on ka alawada nni Alaaji Nurudeen Babatunde Omidina, topo awon eeyan mo si Baba Suwe sabewo laipe loo sodo Ojise-binrin Esther Ajayi lati dupe lowo e fun owo to fun un nigba to fi wa ni idubule aisan, eyi to fi loo gba itoju ni America. Ni bayii, okunrin naa ti ba oga ileese iwe iroyin Ojutole, Ogbeni Taofeek Afolabi soro lori boro naa se bere lati ibere titi di akoko yii, awon nnkan toju e ri ati eko to ti ko. Bi iforowero naa se loo niyi.
 
 OJUTOLE: Fun akosile, e daruko yin fun wa

BABA SUWE: Emi ni Babatunde Omidina ti gbogbo aye mo si Baba Suwe. Omi-o-se-e-ta-ni-koko- onipariesin, Eranku-niluu-airobe.

OJUTOLE: A dupe lowo Olorun pe e ti pade lati ilu Amerika ti e ti loo gbatoju, opo awon eeyan ni won fee gbo lati odo yin, a fe ki e so iriri yin fun wa nigba ti e n gba itoju lowo

BABA SUWE:
Nigba ti mo debe, mo mo pe ilu oba ni mo wa, o yato sibi daadaa, otutu po lasiko naa, se e ri omo to jokoo yii( o nawo si i) Adesola Morenikeji Omidina omo gidi ni, o toju mi daadaa, oun lo maa n we fun mi, toun seto ounje mi latodo mama e wa si odo mi, omo alalubarika ni.

OJUTOLE: Foto kan jade lori ero ayelujara ti dokita oyinbo kan n to ese yin, e salaye fun wa nipa itoju ti won se fun yin nibe.

BABA SUWE:
Okan lara awon dokita to toju mi niyen, gbogbo ohun to ye ki n se ni mo se, itoju si te e siwaju bi mo se pada wa si Naijiria, mo dupe lowo Olorun pe o gba gbogbo akoso. Ti mo ba ri bi ara mi se ri, o se e se ki n tun pada lo siluu oyinbo. Won gbinyanju pupo, Olorun naa ti wa leyin, mo dupe gan-an. Mi o lo ju osu kan lo nibe.

OJUTOLE: Ko ju bii ojo meloo kan ti e debe lariwo nla gba ilu pe e ku, bawo niroyin naa se ri lara yin?

BABA SUWE: O ya emi naa lenu pupo, ohun ti mo so nipe, emi ko ti i setan iku, eni ti oju ba n kan, ko maa niso lorun. Se ni mo n beere lowo ara mi pe o se waa je emi lawon eeyan maa n ro aburu si, o se je pe nigbakigba ti mo ba lo siluu oyinbo ni won yoo so pe mo gbe kokeeni, mo ku sohun-un. Mo waa ro o pe boya ohun ti Olorun fi n ko mi yo niyen, oro mi dabii eni ti omo araye ko je ko gbadun, o san ju eni ti won gbagbe e lo.

OJUTOLE: Bayii ti e ti de, kin ni kawon ololufe yin maa reti latodo yin?

BABA SUWE: Pelu iyonda Olorun, mi o nise mi-in to ju ise tiata lo, mo si maa se, ti n maa dara si i, ara n be ninu mi, o wu mi lati se ise mi-in. Eni to koko waa ba mi pe oun fe ki n se fiimu foun, ohun ti mo so fun un ni pe se o ni milionu lona igba naira ti yoo fun mi lowo nitori pe Baba Suwe ti won loja bayii, eni ti won lo ku ti ko ku, o gbodo gba owo nla lowo eni to ba fee gbe fiimu e jade. Lagbara Olorun fiimu kan n bo latowo ileese ‘Twenty Second Global Studio’, omo mi Adesola Omidina lo ko o, oun naa lo dari e ‘ ‘Turning Point’ la pe akole e, ede oyinbo ati Yoruba la a fi se. Baba Suwe dara ninu e, fiimu naa ni ise akoko ti mo se latigba ti mo de lati Amerika.

OJUTOLE: Ko si bi a se fee daruko Baba Suwe lasiko yii, ti a ko ni i daruko ojise Olorun, Mama Esther Abimbola Ajayi si I. Ki le fee so nipa won?


BABA SUWE: (O rerin-in) Haa, Esther Ajayi, emi ni akobi omo ti won bi sibomi-in, ti won ko mo pe awon bi sita.Eni ti ori e ko ba pe to ba de odo won ori e yoo pe daadaa, won n so oro ologbon, ori onilakaaye, eni to ba lanfaani lati sunmo won yoo mo pe won bi won nibi to daa, won to won nibi to daa, awon naa tun waa tun ara won bi.

Eeyan gidi ni won, nigba ti mo de lati Amerika, won ni ki n yoju sawon, nigba ti mo de odo won, mo ba awon eeyan repete lati gbogbo ipinle lorile-ede yii, nigba ti mo n gbo awon oro olowo iyebiye to n jade lanu won, emi gan-an ko le e dide nibi ti mo wa, oro won wo mi lara pupo. Mo ni Olohun, Olohun, eni to ba ri won ko ni I mo pe mama ti Olorun n lo fun wa ree, eni naa ko ni i mo pe mama to n fi owo saanu gbogbo eeyan ree. Ti Olorun ba saanu fun eeyan, koun naa saanu omolakeji ohun ti mama n se niyen, ki i se emi nikan ni won soore fun, atomode, atagba ni won n ran lowo.

Ohun ti mama n so ninu iwaasu won ju ni aanu, mo ro gbogbo eeyan pata pe ki won loo sori eka ayelujara to n je istagram lati loo gbo awon iwaasu mama, e tele won lori istagram pelu oruko yii.lord_christ_generation, ki omode ati agba loo darapo mo won lori istagram fun awon iwaasu ti yoo tun aye won se atawon ise iyanu ti Olorun towo won se. Oruko soosi won ni ‘Lord of Christ Generation, ilu London lo wa, sugbon kaakiri agbaaye ni won maa n gbe iwaasu won lo.

OJUTOLE: E je ka sawada die, nigba ti milionu mewaa naira ti won fun yin wonu akanti yii, ti e gba alaati lori foonu yin, bawo lo se lara yin?

BABA SUWE: Haa, bi igba ti giri mu eeyan, ori mi koko daru, mo koko beere lowo ara mi se Naijiria kan naa la wa, abi Naijiria mi-in, awon eeyan da mi lohun pe Naiiria yii naa ni. Nigba ti mo ba won soro, haa, ajanaku koja mo ri nnkan firi, ti a ba rerin, a o mo pe a ri erin, mama Esther Ajayi somoluabi pupo, bee ni oko won Dokita Ajayi, baba daadaa, alaanu eeyan ni won, bee lawon osise atawon omo won, gbogbo won pata ni won fife han si mi nigbakigba.

OJUTOLE: Awon eeyan wo le tun fee dupe lowo won?

BABA SUWE: Awon eeyan po, awon eeyan to feran mi po, Amerika ni o, London ni, Germany, Italy France ni, Naijiria n ko, gbogbo won won n pe mi, ti won sadura fun mi, ti won fun mi lowo. Eeyan mi kan wa ni London, Looya Daniel loruko e, awon ni won koko gbe oro mi ka ori, won feran mi gan-an. Bee ni Asiwaju gbogbo Afrika, aburo mi Bola Ahmed Tinubu Jagaban.

Aburo mi ni Bola, owo to ye ki Olorun gbe fun emi egbon e lo gbe fun un, mo wa a ni aburo mi lo lowo to yii, ki Olorun ma gba owo naa lowo e nitori pe alaanu gbogbo aye ni, gbogbo eeyan lo n soore fun. Bee ni egbe TAMPAN, won gbiyanju nigba ti ara mi ko ya, a jo de LUTH ni, awon ni won gbe mi lo, mo dupe lowo Olorun pe won ko gbe oku mi jade, won se gudugudu meje ati yaaya mefa loro mi. Gbogbo won pata ni mo dupe lowo won latori aare to fi dori eni to kere ju ninu egbe, ti mo ba ni ki n maa daruko leyokookan, ile yoo su. Bee lawon TAMPAN Amerika naa, won ran eeyan wa, won tun fowo ranse si mi.

Bakan naa ni mo dupe lowo igbakeji aare orile-ede yii, Ojogbon Yemi Osibajo, mo dupe lowo ijoba apapo naa ati minisita fun eto ilera lorile-ede yii. Bee ni mo tun dupe lowo awon omo egbe ‘Achievers Corporate Club’ to je egbe mi, mo dupe lowo ore mi pataki, Ogbeni Gbade Oguntoyinbo, ore bii omo iya ni, o se pupo loro mi, mo dupe lowo Ogbeni Tula of London,Iya Lara ni London, Anti Ann ni Rhodes Island, ounje Pataki ni won gbe fun mi losibitu, mo dupe lowo Segun Rasco, oyinbo olohunje ni Amerika niyen, odo e ni mo koko de si, mo dupe lowo gbogbo won. Awon osere ni Amerika gbiyanju, won gba pe oba lo de sodo awon.

Mo dupe lowo omo mi Yomi Fabiyi, o se daadaa fun mi, ki Olorun ba mi se daadaa fun un.
Bee ni mo dupe lowo iyawo mi, o se pupo loro mi, o fife han si mi,emi naa si nifee e, mo maa toju e daadaa. Nipari, mo sadura fun mama mi Esther Ajayi gbogbo ohun to da a ninu aye won ko ni I dibanuje, idaamu aye ko ni I je ti won, won ko ni pade agbako, won ko ni i te oju ile mole, lojo kan a wa naa n bo wa si London lati waa dupe lowo won.
( Omo e, Adesola Omidina naa dupe lowo gbogbo awon eeyan) Loruko gbogbo ebi Omidina ni mo n fi dupe lowo gbogbo eeyan, to ba rorun fun gbogbo wa ni a o gba lo ori telifisan naa lati dupe, gbogbo toro ati kobo ti o wole la dupe lowo gbogbo awon eeyan to fun wa, eni ti won ko ba daruko e, ko ma binu, a mo oore ohun ti e se fun wa, koda awon to je pe adura ni won fi ran wa lowo,a dupe lowo gbogbo won pata.



No comments:

Post a comment

Pages