Won si mosalasi olowo-nla ti Salvador ko siluu Eko

Fon-fon-fon logba ile Salvador Tower, to wa ni Game- Village, niluu Eko kun lojo Aiku, Sannde, ana, nibi ti won ti si mosalasi tuntun olowo-nla ti agba oselu, to tun je elesin nni Onarebu Moshood Salvador ko si ogba ile naa, lati le kawon musulumi to n gbe lagbegbe naa lati maa josin.

Won sayeye naa mo ti idanilekoo olodoodun lakooko awe ti okunrin naa maa n se, nibi to ti maa n febun tore fawon araalu.

Nibe lawon eeyan jakanjakan olori elesin atawon agba oselu ti peju pese, lara awon to wa nibe ni Alaaji Tunde Balogun to je alaga fegbe oselu APC nipinle Eko, Seneto Anthony Adefuye atawon eeyan mii in.

Nigba to n bawon eeyan soro nibi ayeye naa, Salvador ro awon asaaju lati lo akoko awe ti won wa yii lati fi sunmo awon eeyan lati se nnkan ti won ba n fe. O ni lati maa ferin senu awon to n fe iranlowo legbe oun, loun se maa n seto olodoodun naa.

O ni orileede agbaye ko ba ti dun bayii lo ka ni awon asaaju seto iranwo fawon eeyan gege bi won se maa n se funra won.

Bakan naa ni alaga fegbe oselu APC nipinle naa, Alaaji Tunde Balogun, ro awon asaaju lati ki alafia se pataki ninu igbe aye won.

O wa gboriyin fun Salvador fun bo se ko mosalasi tuntun naa fawon eeyan lati maa josin. O ni oun to se yii, ko jo oun loju, nitori bi baba to bi naa se ko mosalasi nla naa niyii tawon eeyan si n josin nibe di akoko yii.

Ninu waasi Alaaji Aminulahi Serik, to je Seriki Imaamu fun ekun Ansar-ud-een Society, Fadeyi, niluu Eko, o ro awon musulumi lati lo akoko awe ti won wa lati sun mo Olorun, ki won si pofin e mo.

O ni nnkan to n reti latodo awon musulumi ododo lakooko yii ni iwa omoluabi, mki won si ko ese won sile, ki won ma pada sinu e mo.