Titi di akoko ti a n
ko iroyin yii, iyalenu lo si n je fawon eeyan to gbo nipa isele kan to waye
logba ileewe girama kan niluu Bauchi, iyen ileewe Sa’adu Zungur Model, Bauchi,
nibi ti won lawon omoleewe girama agba ti se igbeyawo alarinrin laaarin won.
Bo tile je pe a gbo pe
ijoba ipinle naa ti pase pe ki won ti ileewe naa pa titi ti won yoo fi pari
iwadii won sibe kayefi loro naa si n je.
Gege bi a se gbo, won
ni ko sese maa waye laarin won pelu pe otooto ni yara ikawe okunrin ati
obinrin, won ni won ti n se tipe ko to di pe asiri oro naa tu sita gbangba.
Won ni okan lara awon
oluko ileewe naa ni asiri tu si lowo nigba tawon akekoo ti won wa ni yara
ikekoo keji ti agba iyen SS2 dana ariya repete laaarin ara won fun ayeye
igbeyawo.
Ariwo ti won n pa lati
fi sajoyo lo mu ki tisa naa sare de be lati mo nnkan to n sele, sugbon se lenu
yaa nigba to ri pe igbeyawo lokunrin ati
obinrin ti won je omoleewe n se laaarin ara won.
Won ni se ni omoleewe
okunrin san eedegbeta naira gege bi owo idana feni to fee fe toun naa je
omoleewe ileewe naa.
Bee ni won so pe awon to je ore oko iyawo naa
tun dawo laaarin ara won ti won fi ra ipapanu ti won je lakooko igbeyawo ohun.
Loju ese ti tisa naa
ti ri nnkan to n sele lo ti sare ke gbajare loo sodo Mallam Ahmed Zailani,to je
oga agba nileewe naa, toun naa si lo so nnkan toju e ri fawon oga tie naa to wa
ni ileeese to n ri si oro eko.
Idi niyi ti won ni
igbakeji gomina nipinle naa, to tun je komisanna foro eko, Nuhu Gidado se pase
pe ki won tileewe naa, eyi to si ti sakoba fawon omoleewe alakobere to wa nibe.
Gege bi atejade ti
Yakubu Adamu, to je oluranlowo nipa eto iroyin nipinle naa se wi, o ni inu
igbakeji gomina naa ko dun si igbeyawo ti ko bofin mu tawon omoleewe girama naa se, o ni idi niyi ti won fi
tileewe naa pa lati se iwadii. Ati pe gbogbo awon toro naa ba si mo lori ni won
yoo fi won jofin.
No comments:
Post a Comment