Landoma ni ko si wahala ninu egbe olorin PMAN ipinle Ogun

Gomina fegbe awon apapo olorin PMAN nipinle Ogun,Saidi Bolomope tawon ololufe e mo si Landoma ti so pe inu irepo lawon wa ninu egbe naa ati pe ko si wahala kankan laarin won.

O soro yii lakooko to n ba oniroyin wa soro lori aseyori e lenu igba to di adari egbe naa. O so pe inu oun dun pe ko si eleyameya kankan mo ninu egbe awon olorin, tawon si n bara won se po.

Okunrin naa so pe fun igba akoko, egbe awon ti ni ofiisi nla, eyi to wa ni Akin Olugbade, niluu Abeokuta. Nibi tawon ti n se ipade papo.

O ni ohun iwuri lo je foun pe latigba tawon ti ni ofiisi naa lawon omo ti n sapa iranlowo lati je ki ofiisii naa dun wo, ti won si n ra awon nnkan sibe.

Landoma tun salaye siwaju pe bo tile je pe erongba awon kan ni pe omo onifuji ti ko kawe ni won fi se gomina egbe naa sugbon oun dupe pe Olorun ran oun lowo.

O ni ki i se pe oun ko kawe sugbon iwonba toun ka tun ran oun lowo lati fi le tuko egbe naa gege bi onifuji akoko ti yoo koko je gomina f, egbe apapo awon olorin nipinle Ogun.

Bakan naa ni Gomina fawon olorin naa tun lo akoko naa lati ki gomina tuntun nipinle Ogun, Dapo Abiodun ku oriire lori bi won se dibo yan an gege bi gomina.

O wa gbadura pe Olorun yoo fun lemi ogbon ati oye lori gbogbo nnkan to ba dawole lati fi tuko ipinle Ogun. O lo akoko naa lati so fun Dapo Abiodun lati ranti egbe apapo awon olorin, PMAN ninu ijoba.

O ni o se ni laaanu pe opo awon ijoba to ti n je, to fi mo eyi to wa lode ni won ki i ranti egbe PMAN, ti ko si ye ko ri be nitori o ni anfaani tawon naa n se lawujo.