Komisanna awon olopaa nipinle Ogun ti gbabode oo- Oladunjoye

Akowe olupolongo  kiatika fegbe oselu APC nipinle Ogun, Ogbeni Tunde Oladujoye ti so pe ohun to le mu ki ibo gomina to n bo lojo kesan an, osu to n bo yii, fi le seso rere ni a fi ti won ba gbe komisanna fawon olopaa nipinle Ogun, Ahmed Iliyasu kuro nipinle naa, nitori awon eeyan ko nigbagbo ninu e, nitori awon nnkan to ti se seyin latigba ti oselu ti bere.

Okunrin naa soro yii lakooko to n bawon oniroyin kan soro loni in, niluu Abeokuta. O so pe awon ko nigbagbo ninu oga olopaa naa lati pese abo fun ibo naa, nitori oro e ko yato seni to ti gbabode.

O so pe o se ni laaanu pe lati ojo Abameta, Satide, ti ibo waye ti won pa olopaa kan lona Ilaro, iyalenu lo je pe komisanna naa ko ti ri eyo enikan mu  lori isele naa.

Bakan naa ni akowe olupolongo fegbe oselu naa tun fi ti igba ti aare orileede yii, Mohammadu Buhari, wa si Abeokuta, tawon kan ju bata ati omi mo on losan an gan-an ti komisanna awon olopaa ko si le so pe iye bayii lawon mu lori oro naa.

Akowe olupolongo naa so pe pelu bi nnkan si se n lo yii, eru n bawon, idi niyii tawon fi ke si ijoba apapo lati ko awon soja wa sipinle Ogun fun ibo gomina to n bo naa.

O ni ki i se pe kawon soja naa wa ni agbegbe ti won ti fee dibo sugbon ki won fi won pamo sawon ibi ti ko jinna si ibudo, nitori tawon kan  ba fee ji apoti ibo gbe.

O ni ti ki i ba se pe Iliyasu Ahmed ni eru ofin labe kilode ti won gbe e kuro nipinle Ogun to fi ake kori pe oun ko lo, nitori e lo se ye kawon araalu gan an mo pe nnkankan wa labele nidi oro e.

Nipa oro ti Amosun so pe oun setan lati bere ipongo gomina fun Akinlade latinu egbe APM, Okunrin naa so pe lakooko awon dupe lowo awon araalu fun bi won se tu jade dibo dun egbe oselu APC, nibi ti Buhari ti jawe olubori.

O ni ibo ti won di nipinle Ogun tun je ki ibo aare naa tun loo soke, bee lo tun dupe lowo awon eeyan Ogun Central lori bi won se gboro si Oloye Olusegun Osoba lenu, ti won fi dibo yan Amosun wole.

O ni ki won fi Amosun sile pelu riru ofin egbe to n se nitori oun mo pe lagbara Olorun egbe APC lo maa wole ibo gomina. O ni egbe oselu APM to n gbe seyin kaakiri, o ni sebi won fidi remi, ibo won ni Ogun Central ko to ida meje ninu ida ogorun un pelu bi won se nawo sita to.

Oladunjoye so pe awon ko ti ri ti Amosun ro bayii nitori ibo to wa lona lawon si n sise le lori to si daju pe didun ni osan yoo so lojo kesan- an, osu to n bo.

O ni to ba ya awon olori egbe niluu Abuja yoo gbe igbese to ba ye feni to ba dale.