Eyi ni bawon omo eyin Amosun se so Buhari lokuta l’ Abeokuta.

Pelu nnkan to sele nibi ipolongo aare fegbe oselu APC to waye niluu Abeokuta, nipinle Ogun, afaimo ki wahala maa sele ninu ibo ti yoo bere lojo Abameta, Satide, ose yii nitori bawon toogi ti won ni Amosun ko wa se da nnkan ru ti won si ju oko lu Aare Mohammadu Buhari.

Ipolongo ohun to kan ipinle Ogun ni won se ni papa isere MKO, Kuto niluu Abeokuta. Lati idaji tawon eeyan ti n de ibi ipolongo naa lawon eeyan ti mo pe ko si ki wahala maa be sile.

Eyi to je kayefi nibi ayeye naa ni bi Gomina Amosun se n loo, to n bo ni papa isere naa ko to di pe eto naa bere, gbogbo iwe ipolongo Dapo Abiodun ti won gbe sinu papa naa ni won so pe Gomina pase pe ki won gbe kuro nibe.

Iyen nikan ko, gbogbo awon omo egbe oselu APM ni won daso egbe APC fun un, ko si to dip e ojulowo awon omo egbe de ohun, awon toogi atawon omo eyin Amosun ti kun fon fon si papa naa.

Iroyin tun fi ye wa pe awon aye tawon omo eyin Dapo Abiodun tun jokoo si lawon toogi ti le won danu, ti won sib ere si ni si fila ori won.

Bi awon toogi Amosun se n da wahala sile ninu papa isere bee loro se ri nita gbangba, opo awon eeyan ni won si farapa, nibi to le de Buhari ko tii de tawon mii in fi n pada loo sile, loro ba di eni ori yo, o di ile.

Afaimo ni ko je pe awon omo egbe APM lo po nibe, bakan ni won tun se afojudi debi pe Abdulkabir Akinlade to je oludije gomina fegbe oselu APM naa tun wa nibe lati je kawon omo egbe APC mo pe ko si nnkan ti won fee se.

Sugbon nigba ti Buhari debi ipolongo naa ni wahala naa tubo po si, tawon toogi fee gba akoso eto naa, koda Amosun gan-an fee da ara e lebi pe oun ko awon toogi wa.

Nigba ti Buhari fee fa owo Dapo Abiodun soke gege bi oludije gomina nipinle Ogun, se lawon omoota atawon omo eyin Amosun bere si nii ju oko lu won, se ni Amosun gan-an sare feyin gba awon okuta.

Opo awon alejo bii Asiwaju Bola Ahmed Tinubu, Adam Osiomohole,  Gomina Kayode Fayemi. Gomina Ajumobi atawon mii in loju gba ti fun nnkan to sele, ti won si fowo leran ti won n woo Amosun fawon nnkan to se ati oko oro to n so si won.