Egbe oselu APC ipinle Ogun dupe lowo Ogun Central pe won ko yeye Amosun.

 

Egbe oselu APC nipinle Ogun ti dupe lowo gbogbo awon araalu fun bi won se tu jade lopo dibo won lati fi gbe Aare Mohammadu wole leekeji ati bawon omo egbe naa ko se yeye Amosun jade pelu gbogbo iwa arifin ati afojudi to ti hu si won seyin.

Oro yii jade ninu atejade kan ti akowe olupolongo kiatika egbe naa, Ogbeni Tunde Oladunjoye, fi sita nibe lo ti fi idunnu e han sawon oludibo paapaa awon asaaju egbe naa lati gba Amosun la lowo itiju ayeraye ti won ko baa ko si.

Ninu oro to wa nibe lo ti ni ko si nnkan meji tawon le se ju pe kawon dupe gidigidi fun bi ibo naa se gbe Buhari atawon oludije won yooku wole.

O ni ‘ Adupe lowo gbogbo awon eeyan to wa ni agbegbe Ogun Central ti won je omoleyin fun Oloye Olusegun Osoba lori bi won se gboro sii lenu fun pe ki won ma wo nnkan ti Amosun se, ki won dibo won fun un, ti won si se bee.

O ni pelu gbogbo iwoye won tawon se bi ki i ba se egbe oselu APC, se ni Amosun ko ba fidi remi pelu ibo egberun mewaa ati mejidinlogoji.

O ni edun okan lo je pe pelu bi APM se nawo to, won tun fidi remi gan an ni pelu ida meje ninu ida ogorun un ti won ni nibi ibo naa. O nibi kan soso ti won ti wole asoju-sofin nibi ti won ti pa olopaa.

Oladunjoye wa lo anfaani ninu atejade naa lati bebe fun atileyin awon araalu leekan si fun ibo gomina ti yoo waye lojo kesan an osu keta, lati tun fi ibo won gbe Dapo Abiodun wole latinu egbe oselu APC wole.