Yewa lawon ko ni oludije gomina meji ju GNI lo.

 

Lati apa osi, Oloye Mary Ogunjobi, Oloye Ayo Oyegbola ati Ojogbon Anthony Asiwaju nibi ayeye naa

 Lojo Abameta, Satide, ose to koja yii lawon agbaagba, olori elesin atawon eeyan lawujo to fi mo awon osise feyinti nile Yewa ko ara won jo niluu Ilaro ti won fimo sokan pe oludije gomina fegbe oselu ADC, Gboyega Nasir Isiaka, GNI lawon yoo dibo fun ipo gomina to n bo lojo keji, osu keta odun yii.

Nibi apero kan ti alabasisepo Ogun West se ni won ti fenu ko pe niwongba tegbe oselu APC ti ja won kule lati fa oludije to wa lati Yewa Awori kale lawon se panupo lati sise po pelu GNI to wa latinu egbe ADC, toun naa je omo bibi ilu won.

Ninu oro Dokita Kunle Salako to je alakoso egbe naa so nigba to n ki awon eeyan kaabo sibi eto to waye ohun, O so pe lakooko yii, ipin sipo inu egbe oselu APC ti mu ijakule bawon ni Ogun West, idi niyii tawon fi tete gbe igbese tawon gbe tawon fi gba lati sise po pelu oludije mii in labe egbe oselu ADC.

O tun so pe leyin gbogbo agbeyewo tawon se pelu awon oludije marun un to ku, tegbe oselu mii in fa kale lawon ti rii pe ko selomii in to tun koju osuwon bi ko se GNI. 

Awon ero repete nibi ayeye naa

Lara awon to wa nibe lojo naa ni Asiwaju gbogbo ile Awori Senato Ayo Otegbola, Asiwaju ile Yewa, Ojogbon Anthony Asiwaju, Ekerin tiluu Ota, Oloye Bamgboye Osunlabu, Otunba ilu Ilaro, Dokita Samuel Ibikunle, Iyaloja ile Yewa, Oloye Arabiinrin Yemisi Abass.

Awon yooku tun ni Ambasedo Ebun Oyagbola,  Alhaja Salimotu Badru, Oloye Iyabode Apampa,  Oloye Bisiriyu Popoola, Onarebu Lai Taiwo ati Oloye Mary Ogunjobi atawon mii in.

A o ranti pe lati nnkan bii odun metalelogoji seyin ni awon omo Yewa Awori ko ti ni enikankan to ti odo won wa di gomina nipinle Ogun. Leyin ti Egba ti je leemeji ti Ijebu naa ti je leemeji.

Nigba toun naa soro nibi ayeye naa, Omooba Gboyega Isiaka dupe lowo gbogbo awon eeyan naa fun ife ti won ni soun ti won fi gba lati dibo foun gege bi gomina lodun to n bo.

O wa ro awon eeyan ile Yewa lati lo anfaani ti won foun lati dibo yan an oun wole, lati tan an ka gbogbo ile Yewa, o ni ko buru ju toun ba mu ida aadorin ninu ogorun un ninu ibo naa lati odo won wa.