Ohun ti mo pinnu lati se fawon eeyan mi ti mo ba di Seneto.-Sanyaolu - BO SE RI

Breaking

Thursday, 31 January 2019

Ohun ti mo pinnu lati se fawon eeyan mi ti mo ba di Seneto.-Sanyaolu


Apostle Biodun Sanyaolu
Lara awon to n dije fun ipo Seneto ni ekun Ogun Central ni Apostle Biodun Sanyaolu labe egbe oselu PDP, O je okunrin to nimo nipa oselu, bee lo ti se komisanna ri laye igba ti Gbenga Daniel je gomina nipinle Ogun.

Laipe yii ni okunrin naa ba oniroyin wa soro lori nnkan to ni lokan, bi o ba wole gege bi Seneto ninu ibo to n bo lojo kerindinlogun, osu keji. Ohun to ba wa so niyii.

Oruko mi ni Apostle Biodun Sanyaolu, ti mo je oludije fun asofin agba nile igbimo asofin niluu Abuja fun ekun Ogun Central labe egbe oselu PDP.

Ohun ti mo ni fawon eeyan mi ni Ogun Central

Ni akoko, a ni lati mo pe opolopo awon oloselu ni won ti seleri fawon eeyan sugbon ti won ti da won nipase aimu ileri won se. Fun idi eyi ohun ti mo koko ni ti mo fi se atona ise iranse mi lati lo se ni Abuja ni okan lati loo soju fawon eeyan mi pelu iberu Olorun. Eni to maa to, gbodo ni Iberu Olorun.

Awon ohun ti Olorun ti lo wa fun leyin paapaa nigba taa n se alamojuto ileese idagbasoke ati alajeseku nipinle Ogun.Opolopo lawon nnkan ti Olorun ti lo wa fun nigba yen  o lo mu mi gbaradi fawon ise ti a fee loo se ti a ba de Abuja

Ise ile igbimo asofin ni lati loo je asoju, ati oluso fawon eeyan ti wa, ti a ba si wo awon oloyinbo so itumo demokiresi gege bi ijoba awon eeyan, latodo awon eeyan ati fawon eeyan.

A o rii pe nnkan to se koko ninu oro naa ni awon eeyan, a maa fi itura awon eeyan se gbogi ninu ise taa fee lo se. Ona ti a fee gba se, akoko ni taa ba wo awon to ti se seneto siwaju, ko tii si awon to fara ro wa bi odun mejo si mewaa seyin ni agbegbe ibi ti won ti dibo. Ogun Central yii to ye ki won maa ri won wo lati mo awon nnkan to je isoro wa, ti won ti ba pade, lopolopo igba.

Igba ti won de be, won ko fi anfaani sile lati maa yoju sawon eeyan to dibo fun won loorekoore. Eto temi wa fee se ni pe akoko yoo maa wa fun ikansini laarin emi ati won. O kere ju eemeta laarin odun kan.

Ohun ni yoo maa je ki n so fun bile igbimo asofin se ri, awon nnkan bayibayi la n se o, lati mo ero won, nitori e ma gbagbe wi pe awon ni mo fee loo soju fun.

Won gbodo mo kin ni a n se lohun,emi naa si gbodo mo kin ni ero won lori nnkan taa n se lohun. Awon eeyan  mi gbodo rii pe ohun tawon n fee ni mo n so nibe. Nitori agbenuso won ni mo je, gbogbo won ko si lanfaani lati wa nibe, ni won se ni ki n loo ma soju won nibe. Ohun ti won ba si n fee ni mo ni lati loo soju won nibe.

Yato si eyi kin ni kan wa ti a n pe akanse ise agbegbe, latigba ti mo ti denu oselu, mo si ti pe die naa, gbogbo awon ti won ti je seneto ni Ogun Central yii, inu oselu ni won ba mi.

Ko ti si omo ile igbimo asofin agba kan to pada wale to wa beeere lowo wa pe ise akanse tawon fee se o, ki la n fee, bi a ba si beeere lowo awon eeyan, o se e se ko je pe nnkan tawa n fee lati se ko ma je nnkan ti won n fee. Lati jo soro papo ise ti won n fee nijoba ibile won, ise ti won ba so pe won n fee, ohun la maa fi sinu eto isuna akanse ise agbegbe wa.

Gege bi oye ti mo ni nigba ti mo n se alabojuto ileese idagbasoke agbegbe ati alajeseku ni pe ijoba meta ni won fowo si ni Naijiria, ijoba apapo, tipinle ati ijoba ibile. Mo se akiyesi pe okan naa naa wa ti won n pe ni eyi ti won ko ka kun iyen ni awon eeyan.

Bi e ba wo daadaa ni agbegbe yin ti e ba ni egbe idagbasoke nibe, awon ni won mo nnkan to n dun won ni agbegbe yin,opolopo won osise feyinti lo kun inu won, ti won ki i se awon to n wa owo ijoba, won a wa maa dawo lati se nnkan to ye kijoba se fun won. Emi roo pe ofin taa n lo, o gbodo ka awon eeyan naa kun. A ni lati fi nnkan sawon ofin naa, kin ni nnkan ti mo lero lati fi si, akoko, gbogbo ijoba bii apapo, ipinle ati ibile, ki won maa gba erongba okan awon eeyan naa si ohun ti won maa fi si eto isuna won gege bi awon eeyan to mo ofin.
 Eleekeji, ipago awon oba, se e mo pe nini alokesan, o ni nnkan ti won yoo sile fawon oba, bakan naa ida kan wa nibe to wa fun ise akanse agbegbe, awon alaga yen ko rii gba, awon to si ri gba, won ko kowo naa si ise agbegbe , awon nnkan yen naa wa ti a maa fi sinu abadofin ti a ba de ohun.

Lara awon nnkan ti mo tun fee loo se, egbe alajeseku, bi a ba woo, paapaa laarin awon osise ijoba, bi a ba ri eyi to kole ra moto yato sawon to ri owo ji o, mejo si mesan an, egbe alajeseku lo gbe won.

Oun naa lo n gbe awon oloja, koda awa ti a je agbe paapaa, afaramo egbe alajeseku kan si omii in. lati yawo ninu egbe alajeseku anfaani to wa ninu e po, lakoko, o rorun lati ya. Bi o ba fee yawo ni banki, won a ni ko loo mu iwe ile e wa, tabi ko lo mu omo e ti won ko ti jabale e wa. Gbogbo nnkan ti won ba beeere o le maa ri laaarin odun kan si meji.

Sugbon egbe alajeseku laaarin ojo perete, wa a gba owo naa, to ba si tun se daadaa, won tun le ya e lowo. Ele owo to wa nibe dara ju ti banki lo. Anfaani mii in  paapaa awon osise ijoba, o rorun lati gba owo won pada, ki I se bi ti ipinle Ogun tijoba yo owo won ti ko da pada fun won. To si n paro pe oun ko je osise ijoba lowo.

Ki lo de tijoba apapo, ti a ko le gbofin kale pe owo ti a ba pa o, bo ti wu ko kere to, ki  Central Bank ko maa fawon egbe alajeseku, won yoo si maa da pada ni owo ti ko ni ni won lara nitori pe yoo le mu ise ati osi kuro laaarin awon eeyan nilu wa. E woo, nnkan taa fee se, o po gan-an ni.

Ko si iberu fun mi ninu awon taa jo n dupo seneto

Ko si enikan to je iberu fun mi ninu gbogbo awon to jade lati dupo seneto ni Ogun Central,, bi a ba woo ni otito ati bo se ye, bi onikaluku se je ni Egba, se laa jinna si ara wa, nitori pe ibi onikaluku oto ni, bi won ba n so nipa iwe itan Egba, ni se ni won maa so nipa itan baba to bi awon babanla temi.

Fun apeere, adajo akoko ni kootu  ibile ,kositomari ni Egba yii, Baba to bi baba baba mi ni. E n gbo nigba kan ti won n so ijoba Egba United, baba to bi baba mi yii, okan ninu awon agbaagba.
Ibi si maa n ran eeyan pupo yato siyen ko seyi to kawe ju mi lo ninu gbogbo awon to fee se Seneto yii, Bee ni mo tun je oga gbogbo won, ati Amosun, Titi Oseni, oga won ni mo je ninu oselu. Owo mi yii ni won de si, awa ni Olorun si lo lati so won da nnkan ti won da loni in ninu oselu.

Titi Oseni ti se ri, Amosun naa ti se seneto ri, ko to wa se gomina, ha haa se ile ti won nikan ni,won maa n korin nigba kan nile Egba, won a si gongo so nile Amodemaja sugbon won ti yii pad ape ki gongo so nile elomii in, ko ma je ile Amodemaja mo, se Amosun nikan lo wa nibe, nigba to se gomina ki lo mu wa fun wa.


A bi ki lo gbagbe sohun, to fee lo mu, se ni mo we, ti mo yan kainkain. Mo fee ki e loo se iwadi mi lodo awon egbe idagbasoke pe eni to je komisanna akoko fun ileese, ki lo se fun yin, awon ohun taa se nigba naa ni won si n se di akoko yii, awon nnkan ti a le raye se, lawon naa n se bayi.ohun to wa lode bayii ni ta ni e, ki lo ti se ri? Emi lawon itan ti mo fi le so pe mo ti se bayii.

Nitori idi eyi, ko si iberu fun mi yato siyen, bi e ba wo, awon wo ni egbe won fidi mule, Amosun o fee dibo ninu egbe APC, o gbese kan sinu egbe APC, o gbe kan si APM, se eeyan gidi se iru e.

E je ki n so kin ni kan fun yin pe lagbara Olorun emi ni mo maa wole, Amosun le ni owo o, nitori owo wa lowo e, sugbon e ma gbagbe itan Dafidi ati Goliat ni oro to  wa nile bayii.

Igbagbo ninu ajo INEC

Ohun ti ajo naa n se niluu Abuja, ko fi okan wa bale, nitori bi awa se se nigba aye Jonathan ko dabi eni pea won Buhari fee se be. Fun apeeere Arabinrin ti won n fa oro e lowo, eeyan Buhari ni, eeyan e ko, pe oun ni ko jokoo, ko sajopo esi ibo, to ba tie soooto, sawon eeyan maa gbagbo.

Bi won ba n fee alaafia, ki lo de ti won ko so pe oro yii ko fee obinrin, e je ka fi elomii in sile, nitori idi eyi igbagbo taa ni ninu won ko po. Sugbon a ni gbagbo ninu awon eeyan ti won sise ni INEC. 

Awon naa a ri I wi pe inira to wa lode yii po, won ko si ni fee gbabode pe ki won wole.

Amoran

Mo fee ro gbogbo awon olugbe aarin gungun Egba, ti won wa nijoba ibile mefa Abeokuta South, Abeokuta North, Ewekoro, Ifo, Odeda ati Obafemi Owode pe ibo to n bo lookan yii, ki won ro daadaa, egbe PDP ti se ri, amo biluu se ri, APC naa ti se, won ni bi obinrin ko ba dan ile oko meji wo, awon naa yoo ti ri bi inira se laarin igboro, mo be won ki won dibo fun PDP, egbe ti won ti mo tete to se daadaa. 

Enikeni ti ko ba ni iberu Olorun, ki won ma dibo fun un, ati pe owo ko ni oro ibo yii o, ki won ma ta ibo won,  sugbon ki won wo bi onikaluku ba se ri.  






 

No comments:

Post a comment

Pages