Ko si atunto kankan ti Atiku fee se, o kan tan awon araalu ni – Salvador - BO SE RI

Breaking

Coco Samba

Coco Samba
Coco Samba

Thursday 3 January 2019

Ko si atunto kankan ti Atiku fee se, o kan tan awon araalu ni – Salvador




Onarebu Salvador
 Onarebu Moshood Adegoke Salvador, to je adari olupolongo fun Aare Mohammadu Buhari nipinle Eko, to si tun je igbakeji alakoso ipolongo fun oludije gomina Sanwo- Olu nipinle Eko bakan naa ti so pe ko si atunto kankan ti oludije fun ipo aare labe egbe oselu PDP, Abubakar Atiku fee se to ba wole, o ni iro nla ni, o kan fi n polongo lasan ni.
O soro yii lakooko to n baa won oniroyin kan soro nile e, o so pe gbogbo ariwo ti Atiku n pa kaakiri ile Yoruba ati Ibo pe toun ba di aare, oun yoo rii pe atunto waye lorileede yii, o ni oro abe ahon lasan ni, nitori pe to ba fi le de, se ni yoo tun so pe oun ko ro pe atunto naa le waye, o ni ko si ye kawon araalu je ki okunrin naa gbe won mora, nitori ko ni nnkan gidi to fee se fun won.
Salvador  tun salaye pe Alagba Ayo Adebanjo to ti n tele Oloye Obafemi Awolowo lati nnkan bi odun metadinlogbon, to ti deni aadorun un odun bayi, ki lo de to fi je pe akoko yii ni baba naa sese n pariwo eto  atunto.
O so pe ‘Atunto ta n so yii, ara eto awon agbegbe gusu lorileede yii ni, Fun bi odun mejo ti Obasanjo fi wa nijoba ko soro nipa e, nigba ti Jonathan naa debe oun naa ko menuba. Bawo lo se wa je pe Yoruba lo jade ti won saaju eto atunto, eyi ti gbogbo wa si mo pe ko le seese’
O tun fikun ninu oro e pe ti a ba ni ka sagbeyewo awa ta fee dibo, gege bi ajo INEC se fi sita,awon to wa lati ile Hausa lo poju ti won je milionu lona ogoji, nigba tawa Yoruba ati ibo lapapo je milionu mejidinlogbon.
O ni ile Yoruba ati Ibo  nikan ni Atiku ti n pariwo atunto yii lati mori won mabe, ko polongo e nile Hausa to ti jade wa, o nitori o mo pe ko nii fowo si.
Salvador tun so pe Atiku gan-an mo funra e pe oun ko le se atunto, a fi koun maa paro fawon eeyan wa, bo se n pa yii, nitori ki owo e le te nnkan to ba fe. O ni nigba ti yoo ba fi to osu mefa ni yoo pariwo sit ape agbara oun ko le gbe, nitori awon omo ile igbimo asofin,ko tii setan pelu oun. Ara iro tawon oloselu maa n pa lo n pa yen.
O wa so gbangba pe orileede yii ko ti setan atunto lakooko yii, o lo wa lara ofin ile wa, Awolowo lo, bee naa lo ni ijoba ipinle Eko naa n lo. Ipinle meji si meta le satunto ara won nipase eto oro aje to gbooro,owo yoo si maa wole fun won taara laiwo oju ijoba apapo.

No comments:

Post a Comment

Pages