E gba mi lowo Amosun to n le pa emi mi o- Tunde Oladunjoye - BO SE RI

Breaking

Thursday, 24 January 2019

E gba mi lowo Amosun to n le pa emi mi o- Tunde Oladunjoye

 
Tunde Oladunjoye, akowe fidie olupolongo fegbe oselu APC nipinle Ogun ti ke gbajare sita ti nnkan laburu ba fi le sele soun, kawon eeyan ma ro loo sibomii in ju odo Gomina Ibikunle Amosun lo nitori oun gbo pe o ti ko awon eru iku sita lati gba emi oun.

Ninu atejade ti okunrin naa fi sita nirole yii lo ti so pe asiri bi won se ni Amosun da awon kan sita lati maa so awon olori egbe APC paapaa julo oun, lati see won nijanba lo ti tu sawon lowo, idi niyii tawon fi tete pariwo sita.  

Oladunjoye fidi oro e mule pe enikan lo fi nomba pe oun lori foonu to tu asiri naa, o ni bo tile je pe ki i se igba akoko ree tawon ti n gba iru ipe bee.

O ni eyi to je pambabari e ni pe won lawon kan to n gbimo po lati gba emi oun lati oni lo si Sannde ti won fee lo lati gba emi oun yii. O ni nitori e loun ko se foro naa bo toun fi pariwo sita.

O tun so pe latile oun gege bii ajafetoo nileewe titi toun fi di oloselu, oun ko bawon fa ijangbon tabi da wahala sile ri

Bee loun yoo tesiwaju lati maa ja fetoo awon eeyan awujo laiberu ati sojo rara

O wa pari oro e pe fun gbogbo awon ti won gbinyanju lati se won nijanba tabi gbemi won pe emi awon ti koja bi won roo o

O ni ki gbogbo agbaye mo pe bi nnkan tabu ijanba ba fi le sele si awon agba egbe APC, Amosun ni ki won beeere lowo e.

No comments:

Post a comment

Pages