Buhari yoo feyin Atiku gbole ninu ibo aare to n bo - Salvador

Salvador

  Adari ipolongo fun Buhari/Osinbajo nibi ibo aare nipinle Eko, Onarebu Moshood Salvador tun ti so pelu idaniloju Aare Muhammadu Buhari  yoo feyin Atiku gbole ninu ibo to n bo losu keji odun yii.

Lojo Abameta, Satide, ana an, lokunrin naa soro yii lakooko to n ba awon omo egbe APC soro nibi ayeye ita gbangba ti won se laduugbo Maryland, niluu Eko. O so pe ibo ile Hausa ati tile Yoruba ti foun lokanbale pe alubami ni Buhari yoo lu Atiku.

O tun tun un so lojo naa pe ipolongo Atiku to n dije labe egbe oselu PDP nipa atunto ko mu itumo kankan dani, o kan fee fi ri ibo ko ni.

Salvador salaye pe  egbe oselu PDP ko lagbara lati seru eto bee, o ni iru nnkan bee ki i se ohun ti eya kan le da se, ati pe ko le seese ninu oselu ta n ba loo ni orileede yii.

O wa gbogbo awon to fee maa gbona eto atunto wole sawon eeyan lara, ki won ya tete fopin si.

Okunrin naa tun so pe egbe oselu PDP mo pe erongba ile gusu ni Naijiria  ni. O ni won si mo pe ona kan ti won le gba wole sawon eeyan lara ni ki won gbe ona eto atunto naa loo sodo awon agbalagba lati maa so nipa e.

O wa beere lowo awon agbalagba naa pe kin ni nnkan ti won wo lateyin wa tele?  O ni lara won wa to je pe latigba ti won ti wa lomo odun metadinlogbon ni won ti wonu oselu ti won si ti pe aadorin odun bayii.O ni kilode ti ko seese fun won lati satunto latojo yii wa, to wa je pe igba ti won dogbo tan ni won wa ro pe awon le se?

Bakan naa lo tun seleri pe egbe oselu APC ni yoo wole ibo gomina ti won fee di ati pe ko tie si nnkan to n je egbe PDP nipinle Eko.

“O ni latigba toun ti fegbe PDP sile atawon bii milionu alatileyin oun legbe naa ti ku. O ni ninu ibo gomina to waye lodun 2015 APC ni ibo 794,000  nigba ti PDP ni 620,000. Sugbon ni bayii, gbogbo e lo maa yipada ninu ibo to n bo yii nitori ilopo e ni APC fi maa na PDP.

Ninu oro ti Seneto Anthony Adefuye nibi ayeye naa, o ro awon omo egbe lati maa se iplongo lati ojule dojule lati polongo ibo fawon araalu.

Bee lo ro awon omo egbe lati gbagbe gbogbo ikunsinu to ba wa ninu won lakooko ti won fee yan oludije fawon ipo ti won fee dibo fun, ki gbogbo won si wa ni isokan lati fi le jo jawe olubori.