Atiku nikan lo le ja fun iwa ibaje - Deji tiluu Akure - BO SE RI

Breaking

Tuesday, 15 January 2019

Atiku nikan lo le ja fun iwa ibaje - Deji tiluu Akure



  Oba Aladetoyinbo Ogunlade Aladelusi,  Deji tiluu Akure, to tun je olori oba ni Akure ti so pe oludije aare labe egbe oselu PDP, Atiku Abubakar, nikan lo le ja fun iwa ibaje lorileede yii. 

Lojo Aje, Monde, ni Oba naa soro yii lakooko to n gba alejo oludije aare ohun atawon eeyan e ni aafin e to wa niluu Akure.

Gege bo se wi, o ni oun ti gbo gbogbo nnkan nipa Atiku to je gege bi alaseyori onisowo. Bee lo ni oun tun gbo pe o wa lara awon ti won da ajo to n gbogun tiwa ibaje iyen EFCC  sile, eyi to so pe o tumo si pe  yoo mo nipa bi won se n gbogun tiwa ibaje ni Naijiria.

O ni eeyan ko le maa huwa ibaje, ko tun wa so pe oun yoo da ibi ti won yoo ti maa gbogun tiwa ibaje sile.

Bee loba naa tun salaye pe pelu iriri ti Atiku ti ni gege bi igbakeji aare, yoo fun ni ona lati sakoso ijoba laiwo eyin wo.
O ni "Iru eeyan taa n fe lorileede yii niyii ti yoo le ran wa lowo lakooko ti oro aje wa n lo sile. Gege bi oba alaye, a ko gbodo gbe leyin enikan, sugbon gbogbo eyi ti mo n so yii je awon nnkan ti mo gbo nipa e tawon omo Naijiria ba le dibo fun un.

Ninu oro Atiku, o bu enu ate lu egbe oselu APC nitori bi won se kuna ti won ko mu ileri won se, eyi to je ki Naijiria wa ninu iponju ati osi lagbaye.

O ni awon naa mo pe awon ko se daadaa to idi niyii ti won ko fi le jade bo se ye lati polongo, o ni won ko ni wa sodo oba bawon se wa yii.

O tun wa so pelu idaniloju pe awon yoo rii pe ida ogoji ninu isejoba won yoo nii se pelu odo.

Lara awon to tele Atiku lo ni Uche Secondus to je alaga egbe naa, Otunba Gbenga Daniel, to je igbakeji alaga olupolongo nile gusu. Senato Bode Olajumoke, Lyel Imoke, Eddy Olafeso, Olagunsoye Oyinlola, Otunba Fasawe, Agbejoro Eyitayo Jegede atawon yooku..
https://ssl.gstatic.com/ui/v1/icons/mail/no_photo.png











No comments:

Post a comment

Pages