Oba Kalejaye taku, leyin odun meta tile-ejo ti yo o loye ni Iraye Ode- Remo

Wahala kekere ko lo n sele ni Iraye, Ode- Remoo, nipinle Ogun, lori bi won se ni Oba Olatunji Kalejaye to je oba iluu naa se fi aake kori leyin odun meta tile-ejo ti ni ko fi ori oye naa sile.

Bo tile je pe nnkan ti a n gbo ni pe won ni Oba naa ti gba ile-ejo ko-te-mi-lorun lo sugbon awon ebi Sugbada ti won lawon loba ilu ohun kan so pe leyin tii idajo waye tipe lokunrin naa sese loo sileeejo, nitori ko fee fipo naa sile.

Lojo Keedogun, osu keje, odun 2015 ni adajo ileejo giga to wa niluu Sagamu, Adajo Ogunfowora gbe idajo e kale pe ki Oba Kalejaye ma se pe ara e gege bii Nloku tiluu Iraye, Ode- Remo mo ati pe aye oba naa ti sofo latigba naa loo.

Sugbon boya nitori ebi Sugbada ti won pejo naa ko tete gbe igbese lati wa omo oye tuntun ni tabi won ko tii setan ni lo mu ki Oba naa ko fi ja oro naa kunra, to si n se bii oba alade lo laafin.

 

Iwadii tun fi ye wa pe won ni o lawon kan ti won ti oba naa leyin lati ma se fipo naa sile, ti won si so pe meji ti ku ninu awon eeyan naa bayii ati pe oun ti won so pe o fi oba naa lokanbale bayii ni ejo ko-te-mi- lorun ti won so pe o pe si ibadan bayii.

Ninu oro Alaaji Tahiru Oseni, eni odun mokandin laadorun, to je olori ebi Sugbada ti won so pe awon loba naa to si, o je ka mo pe idile merin lo n je oba Inloku –Iraye, ni Ode- Remo. Awon naa ni Somade, Sugbada, Sowomade ati Olubinjo.

Bakan naa lo so pe latigba ti Oba Samuel Ademola Adesanya to wa lati idile Somade ti jade laye ni aye oye naa ti sile ati pe ebi Sugbada loba kan, a fi bawon se gbo pe Olatunji Kalejaye de lati iluu oyinbo ti ki i se ebi won joba lona aito.

Idi niyii to fi ni awon gbe e lo sileejo giga kan to wa niluu Sagamu nibi tawon ti gba idalare pe Kalejaye fipo naa sile ko to o si, o ni o fee maa fowo ola gba awon loju ni.

Ninu oro ti akowe ebi naa, Awofeso Tope, o so pe latigba ti oro naa ti sele lawon ti bere si nii gbe igbese, nitori awon ko fee ko da wahala sile lawon se towo ofin bo, lara ibi ti won ti de ni ogba awon olopaa ni Eleweran niluu Abeokuta ti won ba won da si oro naa, nibe lo ni awon ti gbo pe oba naa atawon eeyan e ti koko n gbe ayederu leta kan kaakiri pe awon ti pejo ko-te-mi-lorun.

O ni nigba toro naa feju daadaa ni won to gba kootu lo ati pe leta ti won n gbe kaakiri tele kii sojulowo. Bee lo ni awon tun ko leta sileese to n ri oye jije ati ileese gomina lori oro yii sugbon tawon ko gbo esi kan.

Ki oro naa ma baa di a n gbo tenu enikan lo mu wa pe Oba Kalejaye lati gbo tenu e, oun ti oba naa ba wa so lori foonu ni pe oun ko nii nnkankan ba wa so lori oro naa, o si pa foonu e.