Nitori iwe eri agunbaniro, won ko idaamu ba Dapo Abiodun Won ni eedi Amosun lo mu un

 

Dapo Abiodun

Bi iroyin to n loo nigboro yii ba le je ooto o se e se ki oludije fun ipo gomina labe egbe oselu APC nipinle Ogun, Dapo Abiodun padanu anfaani ti won fun un lati dije ninu ibo gomina lodun 2019.

Gege bi iroyin to te wa lowo,won fesun kan okunrin naa pe ko fiwe eri pe o loo se agunbaniro iyen NYSC sile eyi ti won lo tumo si pe ko sin orileede baba e, leyin to jade ni yunifasiti niwongba to je pe ojo ori e nigba naa si le lo.

Bee ni won lo paro ninu iwe to fi gba foomu pe oun ko niwe eri yunifasiti kankan, eyi ti won lo fi tan egbe oselu to ti jade ati ajo eleto idibo INEC

Iwe iroyin oloyinbo kan ti won pe ni PREMIUM TIMES lo tu asiri oro naa sita, latigba naa lo si ti n je kayefi fawon omo egbe oselu APC nipinle Ogun.

A o ranti pe ninu ibo abele iyen pamari tegbe oselu APC se ni won ti daruko Dapo Abiodun gege bi oludije won, eyi to da wahala sile laarin Gomina Ibikunle Amosun ati Adams Oshiomole to je alaga egbe naa lapapo.

Idi ni pe Amosun yari pe Abiodun ko lawon mu sugbon Adams Oshiomole so pe oun ni awon to seto naa mu pe o wole, latigba naa ni ede aiyede ti bere, ti Gomina seleri pe oun ko ni sise fun Dapo ninu ipolongo to n lo lowo yii.

Nnkan to sele yii lo mu kawon omo eyin Amosun kan binu fegbe APC sile loo darapo mo APM, nibi topo won ti loo dije fun ibo to n bo lona yii.

Pelu bi nnkan se n loo yii, afaimo ki oro naa ma dele ejo, nitori bi won se ni awon oloselu atako kan atawon ti won jo wa ninu egbe naa, tinu won ko dun si maa gbe loo sile ejo.

Opo awon to gbo nipa isele naa ni won so pe eedi Amosun lati ma se je ko dije fun ipo gomina lo n di Dapo Abiodun.

Latigba taa ti gboro naa, lati gbe igbese lati gbo tenu Dapo Abiodun sugbon okan lara awon amugbalegbe e fun iroyin, SF Emmanuel Ojo so pe awon yoo gbe atejade kan sita lori oro naa laipe yii.